टीम लय भारी
मुंबई : शिवसेनेचे खासदार संजय राऊत आणि भाजपचे नेते किरीट सोमय्या यांच्यामध्ये आरोप प्रत्यारोपाचा सामना रंगला आहे. तर दुसरीकडे मुंबई पालिकेनंही नारायण राणे यांच्या अनधिकृत बंगल्यावर कारवाई करण्याचा चंग बांधला आहे(Narayan Rane’s unauthorized bungalow, Action order on it).
राणे यांच्या मुंबईतील जुहू येथील अधीश बंगल्यात अनधिकृत बांधकाम झाल्याची तक्रार होती. या तक्रारीनंतर बंगल्याची तपासणीसाठी मुंबई महानगरपालिकेकडून नोटीस बजावण्यात आली आहे. अंधेरी जुहू येथील तारा रोडवर उभारण्यात आलेल्या या बंगल्याच्या बांधकामांमुळे सीआरझेड नियमांचे उल्लंघन होत असल्याची तक्रार आहे. केंद्रीय मंत्री नारायण राणे यांच्या जुहू परिसरातील बंगल्यात अनधिकृत बांधकाम झाल्याच्या शक्यतेमुळे सोमवारी मुंबई पालिकेच्या पथकाकडून तपासणी होण्याची शक्यता आहे.
शुक्रवारी बंगल्यात राणे कुटुंबीयांतील कुणीही उपलब्ध नसल्याने अधिकारी तपासणीविनाच परतले होते. या प्रकरणामुळे शिवसेना व राणे यांच्यातील राजकीय संघर्ष पुन्हा उफाळण्याची शक्यता आहे. त्यामुळे बंगल्याच्या परिसरात मोठा बंदोबस्त ठेवण्यात आला आहे.
हे सुद्धा वाचा
विनायक राऊतांचा राणेंवर प्रतिहल्ला, लाचारी पत्करणे नारायण राणेंकडून शिकावे
ये पब्लिक सब जानती है; छगन भुजबळांचा नारायण राणेंना टोला
मिलिंद नार्वेकरांच्या नारायण राणेंना कानपिचक्या!
आरटीआय कार्यकर्ते संतोष जोंधकर यांनी राणे यांच्या जुहूमधील बंगल्याचे बांधकाम नियमबाह्य पद्धतीने केल्याची तक्रार केली आहे. आपल्या या तक्रारीनंतर कुठलीच कारवाई केली नसल्याचा आरोप संतोष दौंडकर यांनी केला होता. त्यानंतर आता मुंबई मनपाने नारायण राणे यांच्या बंगल्याची तपासणी करण्यासाठी नोटीस बजावली.
मुंबई महानगरपालिका कायदा १८८८ अंतर्गत सेक्शन ४८८ नुसार बीएमसीने केंद्रीय मंत्री नारायण राणेंना ही नोटीस पाठवण्यात आली. के-वेस्ट वॉर्ड आणि इमारत प्रस्ताव विभागाचे पथक जुहू तारा रोडवरील अधीश बंगल्यावर येऊन तपासणी आणि बेकायदा बांधकामाबाबत मिळालेल्या तक्रारीची खात्री करून घेणार असल्याचे त्यात म्हटले आहे.