गेल्या कित्येक दिवसांपासून सोशल मीडियावर ट्रेंडिंग राहणाऱ्या जवानचा ट्रेलर अखेर गुरुवारी बारा वाजता प्रदर्शित करण्यात आला. धमाकेदार ॲक्शन सिक्वेन्स, उच्च दर्जाचे व्हिएफएक्समुळे 40 मिनिटातच पंधरा लाखाहून अधिक प्रेक्षकांनी युट्युबवर ट्रेलर पाहिला. शाहरुख आणि दक्षिणात्य अभिनेत्री नयनतारा यांचा ‘जवान’ चित्रपट येत्या 7 सप्टेंबर रोजी प्रदर्शित होत आहे.
या सिनेमात अभिनेत्री दीपिका पादुकोणने स्पेशल अपिअरन्स दिला आहे. ट्रेलरमध्ये काही सेकंदाच्या सीनमध्ये दीपिका पूर्णपणे भाव खाऊन जाते. नयनताराने पोलीस अधिकाऱ्याची भूमिका बजावली आहे. सिनेमात अभिनेत्री प्रियमनी, सानिया मल्होत्रा, गिरीजा ओक-गोडबोले ॲक्शनमॉडमध्ये दिसून येत आहेत. ट्रेलरमध्ये दीपिकापादुकोण पासून नयनतारा सशक्त महिलांच्या भूमिकेत वावरत आहेत.
अभिनेता शाहरुख खान मुंबईत मेट्रोट्रेन हायजॅक करतो. आपल्या मागण्यांसाठी शाहरुख आतंकवादी का बनतो? शाहरुखची सैन्यदलातील पार्श्वभूमी काय? शाहरुख कोणाचा बदला घेतोय? एका आई-मुलाचा, ‘जवान’चा बदला हे सिनेमाचं मूळ कथानक आहे.
हे सुद्धा वाचा
आशिया कप २०२३: दुबळ्या नेपाळला बाबर आझमने झोडले !
इंडियाच्या संयोजकपदी शरद पवार यांचे नाव चर्चेत
बच्चू कडू को घुस्सा क्यु आया!; ऑनलाईन गेमिंगची जाहीरात सचिन तेंडुलकरला भारी पडणार!
शाहरुख जवान सिनेमात दुहेरी भूमिका साकारत असल्याचे सूत्रांची माहिती आहे. शाहरुख वडील आणि मुलगा या दुहेरी भूमिका साकारत आहे. सैन्यदलातील सैनिकाचा मुलगा दहशतवादी का बनतो, यासाठी तुम्हाला सात सप्टेंबर रोजी सिनेमा पहावा लागेल. सिनेमात विजय सेतुपती नकारात्मक भूमिकेत आहे.
View this post on Instagram