ज्येष्ठ समाजवादी नेते आणि संयुक्त जनता दलाचे (जेडीयू) माजी अध्यक्ष शरद यादव यांचे निधन झाले आहे. ते 75 वर्षांचे होते. “पापा आता या जगात राहिले नाहीत,” असे ट्विट करून मुलगी सुभाषिनी यादव यांनी याबाबत माहिती दिली आहे.
शरद यादव हे गुरुवारी रात्री त्यांच्या दिल्लीतील छतरपूर निवासस्थानी चक्कर येऊन बेशुद्ध पडले होते. त्यांना तातडीने गुरुग्राममधील फोर्टिस रुग्णालयात नेण्यात आले, परंतु त्यांना वाचवता आले नाही. यादव दीर्घकाळापासून किडनीच्या आजाराने त्रस्त होते आणि ते नियमितपणे ‘डायलिसिस’ करत होते. फोर्टिस मेमोरियल रिसर्च इन्स्टिट्यूटनेही निवेदन जारी करून रात्री 10.19 वाजता शरद यादव यांच्या मृत्यूची माहिती दिली. यादव यांना बेशुद्ध अवस्थेत आपत्कालीन वॉर्डमध्ये आणण्यात आले होते. खूप प्रयत्न करूनही त्यांचा जीव वाचवता आला नाही, आम्ही त्यांच्या कुटुंबाप्रती मनापासून संवेदना व्यक्त करू इच्छितो, असे रुग्णालयाच्या निवेदनात म्हटले आहे.
पापा नहीं रहे 😭
— Subhashini Sharad Yadav (@Subhashini_12b) January 12, 2023
शरद यादव यांच्या पार्थिवावर शनिवारी मध्य प्रदेशातील होशंगाबाद या त्यांच्या जन्मस्थानी अंत्यसंस्कार होण्याची शक्यता आहे. त्यांचे पार्थिव 13 जानेवारी रोजी सकाळी 10 वाजता त्यांच्या दिल्लीतील छतरपूर फार्म निवासस्थानी अंतिम दर्शनासाठी ठेवण्यात येणार असल्याचे कुटुंबीयांनी सांगितले आहे. शरद यादव यांच्या निधनाबद्दल पंतप्रधान नरेंद्र मोदी, लोकसभा अध्यक्ष ओम बिर्ला, काँग्रेस नेते राहुल गांधी, उत्तर प्रदेशचे मुख्यमंत्री योगी आदित्यनाथ, बिहारचे मुख्यमंत्री नितीश कुमार, आरजेडी अध्यक्ष लालू यादव, बिहारचे उपमुख्यमंत्री तेजस्वी यादव, अखिलेश यादव यांच्यासह अनेक दिग्गजांनी शोक व्यक्त केला आहे.
Pained by the passing away of Shri Sharad Yadav Ji. In his long years in public life, he distinguished himself as MP and Minister. He was greatly inspired by Dr. Lohia’s ideals. I will always cherish our interactions. Condolences to his family and admirers. Om Shanti.
— Narendra Modi (@narendramodi) January 12, 2023
शरद यादव यांच्या पश्चात पत्नी, मुलगी सुभाषिनी आणि मुलगा शंतनु असा परिवार आहे. शरद यादव चार वेळा बिहारच्या मधेपुरा मतदारसंघातून खासदार होते. ते केंद्रात मंत्रीही राहिले आहेत. शरद यादव यांनी 1999 ते 2004 दरम्यान अटलबिहारी वाजपेयी सरकारमध्ये विविध खाती सांभाळली. 2003 मध्ये शरद यादव जनता दल युनायटेडचे अध्यक्ष बनले. ते 7 वेळा लोकसभेचे आणि 3 वेळा राज्यसभेचे खासदार राहिले आहेत. 2016 मध्ये त्यांनी नितीश कुमार यांच्या जेडीयूशी संबंध तोडून नव्या पक्षाची स्थापना केली. यानंतर त्यांनी हा पक्ष राष्ट्रीय जनता दलात विलीन केला. त्यांची मुलगी सुभाषिनी सध्या काँग्रेसमध्ये आहे.
पूर्व केंद्रीय मंत्री शरद यादव जी का निधन दुःखद। शरद यादव जी से मेरा बहुत गहरा संबंध था। मैं उनके निधन की खबर से स्तब्ध एवं मर्माहत हूं। वे एक प्रखर समाजवादी नेता थे। उनके निधन से सामाजिक एवं राजनीतिक क्षेत्र में अपूरणीय क्षति हुई है। ईश्वर उनकी आत्मा को शांति दें।
— Nitish Kumar (@NitishKumar) January 12, 2023
अभी सिंगापुर में रात्रि में के समय शरद भाई के जाने का दुखद समाचार मिला। बहुत बेबस महसूस कर रहा हूँ। आने से पहले मुलाक़ात हुई थी और कितना कुछ हमने सोचा था समाजवादी व सामाजिक न्याय की धारा के संदर्भ में।
शरद भाई…ऐसे अलविदा नही कहना था। भावपूर्ण श्रद्धांजलि! pic.twitter.com/t17VHO24Rg
— Lalu Prasad Yadav (@laluprasadrjd) January 12, 2023
हे सुध्दा वाचा :
बिहारमध्ये जदयु – भाजप मध्ये लव्ह जिहाद !
Samajwadi Leader Sharad Yadav Passes Away, PM Modi Condolences, ज्येष्ठ समाजवादी नेते शरद यादव यांचे निधन, Prominent Socialist Reformer