टीम लय भारी
मुंबई: राज्यसभा निवडणुकीत कोण बाजी मारणार याकडे महाराष्ट्राचं लक्ष आहे.आज महाराष्ट्रात सहा जागांसाठी मतदान होणार आहे. या सगळ्या घडामोडींवर मनसे नेते (MNS) गजानन काळे यांनी राज्यसभा निवडणुकीवरुन शिवसेनेसह महाविकास आघाडीवर टीका केली आहे. आपल्या ट्वीटमध्ये काळे म्हणतात की, “राज्याची शोभा” होईल अशी ही राज्यसभा निवडणूक सुरू आहे. MNS criticize on Rajya Sabha election
जनता असंख्य अडचणींचा सामना करत असताना सत्ताधाऱ्यांचा पंचतारांकित निवडणुकीचा खेळ सुरू आहे. त्या निजामाची अवलाद एमआयएमची मदत घेऊन जनाची नाही पण मनाचीही महाविकास आघाडीने सोडली आहे तर शिवसेनेचं नकली,ढोंगी हिंदुत्व उघडं पडलं आहे एमआयएमने महाविकास आघाडीला पाठिंबा दिला आहे. रात्री उशिरा इम्तियाज जलिल यांची मविआच्या नेत्यांसोबत बैठक झाली. सहाव्या जागेसाठी धनंजय महाडिक आणि शिवसेनेचे संजय पवार यांच्यात थेट लढत होणार आहे.
केंद्रीय मंत्री पियुष गोयल, अनिल बोंडे, धनंजय महाडिक (भाजप), प्रफुल्ल पटेल (राष्ट्रवादी), संजय राऊत आणि संजय पवार (शिवसेना) आणि इम्रान प्रतापगढी (काँग्रेस) हे उमेदवार सहा जागांसाठी रिंगणात आहेत.
हे सुद्धा वाचा:
केंद्रातील भाजपाचे सरकार देशात धर्मांध लोकांचे प्रस्थ वाढविण्याचा प्रयत्न करत आहे : नाना पटोले