टीम लय भारी
नवी दिल्ली:- गोवा विधानसभा निवडणुकीपूर्वी मतदारांना आकर्षित करण्यासाठी काँग्रेस नेते राहुल गांधी यांनी शुक्रवारी ‘न्याय योजना’ सुरू करण्याची घोषणा केली. गोव्यात कॉंग्रेस सत्तेत आल्यास आर्थिक दुर्बल घटकांना महिन्याकाठी सहा हजार रुपये म्हणजे वर्षाला 72 हजार रुपये त्यांच्या खात्यामध्ये जमा करण्यात येणार असल्याची घोषणा कॉंग्रेस नेते राहुल गांधी यांनी केली आहे.(Rahul Gandhi, scheme at Rs 6,000 per month to poor citizens)
“आम्ही गोव्यात एक ऐतिहासिक निर्णय घेत आहोत, नवीन ‘न्याय योजना’ सुरू करण्यात येणार आहे. 6,000 रुपये प्रति महिना, म्हणजे एका वर्षात 72,000 रुपये, आपोआप गोव्यातील सर्वात गरीब नागरिकांना हस्तांतरित केले जातील, ”त्यांनी सांगीतले.
हे सुद्धा वाचा
राहुल गांधींच्या भाषणावरून वादाला ठिणगी
राहुल गांधी जानेवारीच्या दुसऱ्या आठवड्यात परदेश दौऱ्यावरून भारतात परत येण्याची शक्यता
प्रियंका गांधींनी गाडी थांबवली अन् जखमी अपघातग्रस्त महिलेची स्वत: केली मलमपट्टी
“Ma Saraswati Doesn’t Differentiate”: Rahul Gandhi On Karnataka Hijab Row
कोविड-19 आणि रोजगारात सरकार अपयशी ठरल्याचा आरोप करत काँग्रेस नेत्याने भारतीय जनता पक्षावर टीका करण्यासाठी देखील या प्रसंगाचा उपयोग केला. “आम्ही पक्षांतर करणाऱ्यांना तिकीट देत नाही, यावेळी नवीन लोकांना तिकीट दिले आहे,” ते म्हणाले. गोव्यात काँग्रेस पूर्ण बहुमताने सरकार स्थापन करेल, असा विश्वास व्यक्त करून गांधी म्हणाले: “लढाई फक्त काँग्रेस आणि भाजपमध्ये आहे, तुमची मते वाया घालवू नका.”
आदल्या दिवशी, गांधी मतदानाच्या पार्श्वभूमीवर किनारपट्टीच्या राज्याच्या एक दिवसाच्या भेटीसाठी पणजीत आले. आपल्या दिवसभराच्या दौऱ्यात, वायनाडचे खासदार अंगणवाडी कर्मचारी, पर्यटन क्षेत्रातील प्रतिनिधींसह इतरांशी संवाद साधतील. ते कार्यकर्त्यांच्या बैठका घेऊन काँग्रेस उमेदवारांना मार्गदर्शन करणार आहेत. 40 सदस्यीय गोवा विधानसभेसाठी 14 फेब्रुवारीला एकाच टप्प्यात मतदान होणार आहे. 10 मार्च रोजी मतमोजणी होणार आहे.