टीम लय भारी
मुंबई :- सचिन वाझे प्रकरणी महाराष्ट्राचे उपमुख्यमंत्री अजित पवारांच्या सीबीआय चौकशीची मागणी भाजपने केली होती. यानंतर महाराष्ट्र राज्य सहकारी बँक घोटाळ्याप्रकरणी ईडीने कारवाई केली आहे. उपमुख्यमंत्री अजित पवार यांच्या नातेवाईकांचा साताऱ्यातील जरंडेश्वर साखर कारखाना जप्त करण्यात आला आहे. यावर भाजप प्रदेशाध्यक्ष चंद्रकांत पाटील म्हणाले ही तर सुरूवात आहे, यादी मोठी आहे आणि सर्व रडारवर आहेत अस चंद्रकांत पाटील म्हणाले आहेत (The list is long and all are on the radar, said Chandrakant Patil).
जरंडेश्वर सहकारी साखर कारखान्याची संपत्ती ईडीने जप्त केल्यानंतर त्याच्या व्यवहारांची कागदपत्रे उघड झाली आहेत. जरंडेश्वर हे या गैरव्यवहाराच्या बाबतीत हिमनगाचे टोक आहे. जरंडेश्वर साखर कारखान्यावरील कारवाई ही तर सुरुवात आहे, यादी मोठी आहे आणि सर्व रडारवर आहेत, राज्य सहकारी बँकेच्या माध्यमातून कवडीमोल किंमतीला ताब्यात घेतलेल्या सर्व साखर कारखान्यांची आणि सुतगिरण्यांची चौकशी तपास यंत्रणांच्या रडारवर आहे,” असे वक्तव्य चंद्रकांत पाटील यांनी शुक्रवारी पुण्यात बोलताना केले (This statement was made by Chandrakant Patil while speaking in Pune on Friday).
प्रश्न विचारायचा असेल तर आधी मुख्यमंत्री करा, संभाजीराजे भडकले…
अशा राजकारणाला आम्ही भिक घालत नाही; नाना पाटोलेंचा भाजपाला टोला
राज्य सहकारी बँकेच्या माध्यमातून वेगवेगळे सहकारी साखरकारखाने तोट्यात दाखवून ते जप्त करायचे. नंतर त्यांचा लिलाव करायचा आणि दोनशे कोटीची संपत्ती पंधरा कोटीत खरेदी करायची. त्यावर पुन्हा तीनशे कोटीचे कर्ज घ्यायचे अशा पद्धतीचा गैरव्यवहार राज्यात झाला आहे. अशा सर्व २४ साखर कारखान्यांची खरेदी सक्तवसुली संचालनालयाच्या अर्थात ईडीच्या रडारवर आहे. जरंडेश्वर सहकारी साखर कारखान्याची संपत्ती ईडीने जप्त केल्यानंतर त्याच्या व्यवहारांची कागदपत्रे उघड झाली आहेत.
सर्व पक्षीय चोरांचा शेतकऱ्यांच्या दौलतीवर दरोडा
यानंतर चंद्रकांत पाटील म्हणाले, सहकारी साखर कारखान्यांची शेकडो कोटींची संपत्ती कवडीमोलाने हडपण्याच्या प्रकाराची चौकशी होण्यासाठी आपण केंद्रीय गृहमंत्री अमित शाह यांच्याकडे दाद मागणार असल्याचे ते म्हणाले. राजकीय दबावासाठी कारवाई केल्याचा आरोप त्यांनी नाकारला. “कारवाईबद्दल तक्रार करणाऱ्यांनी आधी काही गैरव्यवहार झाला हे तरी मान्य करावे. सध्याच्या काळात चूक करणाऱ्या प्रत्येकाला त्याचे परिणाम भोगावे लागतील (Nowadays anyone who makes a mistake will suffer the consequences).