टीम लय भारी
बीड :- मराठा आरक्षणासाठी अजूनही मराठा समाज लढत आहे. त्यामुळे मराठा समाजाला आरक्षण कधी मिळणार हा प्रश्न प्रत्येक सभेत, बैठकांमध्ये विचारला जातो. काल खासदार संभाजीराजे छत्रपती यांना मराठा आरक्षणाच्या मुद्द्यावरुन प्रश्न विचारले, त्यावर संभाजीराजे छत्रपती म्हणाले, याबाबत जर तुम्हाला प्रश्न विचारायचे असतील तर प्रथम मला मुख्यमंत्री करा (If you want to ask questions, first make me CM).
संभाजीराजे सध्या बीडच्या दौऱ्यावर आहेत. बीडमध्ये शुक्रवारी संभाजीराजेंचा कार्यक्रम आयोजित करण्यात आला होता. यावेळी संभाजी ब्रिगेडच्या कार्यकर्त्यांनी याठिकाणी प्रवेश केला. संभाजीराजे व्यासपीठावर असताना संभाजी ब्रिगेडच्या कार्यकर्त्यांनी मराठा आरक्षणाबाबत त्यांच्यावर प्रश्नांचा वर्षाव सुरु केला. त्यावेळी संभाजीराजेंनी उलट संभाजी ब्रिगेडच्या कार्यकर्त्यांवर शाब्दिक हल्ला केला. तुम्हाला प्रश्न विचारायचे असतील तर आजी-माजी मुख्यमंत्र्यांना आणि पालकमंत्र्यांना विचारा (If you want to ask questions, ask the former Chief Minister and the Guardian Minister).
अशा राजकारणाला आम्ही भिक घालत नाही; नाना पाटोलेंचा भाजपाला टोला
सर्व पक्षीय चोरांचा शेतकऱ्यांच्या दौलतीवर दरोडा
मोदी है तो महंगाई है, रुपाली चाकणकरांचा मोदींना खोचक टोला
यापुढे संभाजीराजे म्हणाले, मात्र, त्यांच्याकडून तुम्हाला उत्तर मिळणार नाही. जर मला या मुद्द्यावर प्रश्न विचारायचे असतील तर प्रथम मला मुख्यमंत्री करा. संभाजीराजेंच्या या वक्तव्यानंतर उपस्थितांनी जोरजोरात टाळ्या वाजवत एकच जल्लोष केला. मात्र, त्यांच्या या वक्तव्यानंतर संभाजीराजेंना मुख्यमंत्री होण्याची इच्छा आहे. अशी राजकीय वर्तुळात चर्चा रंगली आहे. आता राजकीय वर्तुळात रंगलेल्या या चर्चेचे काय पडसाद उमटणार, याकडे सर्वांचे लक्ष लागले आहे (All eyes are on the repercussions of this heated debate in political circles).