33 C
Mumbai
Monday, May 20, 2024
Homeव्हिडीओमहादेव जानकरांच्या प्रचाराला नरेंद्र मोदींचे बळ, गोपीचंद पडळकरांकडूनही हवीय मदत

महादेव जानकरांच्या प्रचाराला नरेंद्र मोदींचे बळ, गोपीचंद पडळकरांकडूनही हवीय मदत

महादेव जानकर हा जमिनीवर पाय असलेला माणूस अशी त्यांची ओळख आहे. त्यांचं बोलणंही मोकळं ढाकळं असंच असतं. त्यामुळे सामान्य व भोळ्या भाबड्या जनतेच्या हृदयाला ते लगेचच गवसणी घालतात.

महादेव जानकर यांनी लोकसभा निवडणुकीची जोरदार हवा केलीय. (Mahadeo Jankar campaign, Narendra Modi,Gopichand Padalkar will participate) परभणी हा मतदारसंघ त्यांच्यासाठी नवीन असला तरी मतदारांच्या हृदयात घुसण्याचा त्यांनी चांगला प्रयत्न केलाय. त्यांचे प्रतिस्पर्धी उमेदवार बंडू जाधव यांना जेरीस आणण्याचे प्रयत्न सफल होताना दिसताहेत. महादेव जानकर हा जमिनीवर पाय असलेला माणूस अशी त्यांची ओळख आहे. त्यांचं बोलणंही मोकळं ढाकळं असंच असतं. त्यामुळे सामान्य व भोळ्या भाबड्या जनतेच्या हृदयाला ते लगेचच गवसणी घालतात.
परभणी लोकसभा मतदारसंघाच्या प्रचारात सध्या हेच चित्र दिसतंय. विद्यमान खासदार बंडू जाधव यांच्यावर जानकर मिश्किल शब्दांत टीका करताहेत. त्यांच्या या शैलीचा परभणीकरांवर प्रभाव पडताना दिसतोय. त्यामुळं जानकर यांना आता आणखी बळ देण्याची गरज आहे. म्हणूनच नरेंद्र मोदी यांची एक सभा जानकर यांच्या मतदारसंघात लावली जाईल, अशी शक्यता आहे.
नरेंद्र मोदी जिथं जातात, तिथल्या मतदारांवर प्रभाव टाकतात. त्यामुळं मोदींच्या या सभेचा जानकरांना निश्चितच फायदा होईल. देवेंद्र फडणवीस, अजितदादा यांनी यापूर्वीच जानकरांसाठी सभा घेतली होती. आणखीही बऱ्याच सभा होतील. पण जानकर यांचा पट्टशिष्य असलेल्या गोपीचंद पडळकर यांची सभा परभणी मतदारसंघात होणार का ? या विषयी जानकर व पडळकर या दोघांच्याही चाहत्यांमध्ये कुतूहल आहे.
याच कारण असं की, हे दोघंही धनगर समाजातील आहेत. जानकर यांच्यात तालमीत पडळकर तयार झाले आहेत. जानकर यांच्या राष्ट्रीय समाज पक्षात पडळकर होते. जानकरांच्या चळवळीत येवूनच पडळकर यांनी राजकारणाची सुरूवात केली. बहुजन, अठरा पगड जातीची जी भाषा जानकर बोलतात तीच भाषा गोपीचंद पडळकर सुद्धा बोलतात. दोघांचाही धनगर व अठरा पगड जातीमध्ये मोठा चाहता वर्ग आहे. पण गेल्या काही वर्षांमध्ये जानकर व पडळकर यांच्यात मतभेद झालेले आहेत. त्यातूनच पडळकर साधारण दहा वर्षांपूर्वी राष्ट्रीय समाज पक्षातून बाहेर पडले. नंतर ते भाजपामध्ये गेले. मधले काही महिने ते वंचित बहुजन आघाडीमध्येही होते. देवेंद्र फडणवीस मुख्यमंत्री असताना भाजपसोबत जानकरांच्या राष्ट्रीय समाज पक्षाची युती होती. जानकर मंत्री सुद्धा होते. या काळात भाजपने पडळकरांना अडगळीतच टाकलं होतं. पण २०१९ च्या विधानसभा निवडणुकीत भाजपनं म्हणजेच देवेंद्र फडणवीस यांनी जानकर यांना बाजूला सारलं, अन् पडळकर यांना डोक्यावर घेतलं. खरंतर, जानकर आणि पडळकर यांच्यात एकोपा राहू नये याची बहुधा भाजपनंच काळजी घेतलेली असावी.
पण इथं सांगण्याचा मुद्दा हा आहे की, जानकरांच्या मतदारसंघात गोपीचंद पडळकर यांच्या आवर्जून सभा व्हायलाच हव्यात. जानकर व पडळकर यांनी आपापसांतील मतभेद विसरून जोमाने प्रचार केला तर त्याचा फायदा जानकरांनाच होईल. शिवाय जानकर व पडळकर एकत्र आले तर ते त्यांच्या दोघांच्याही चाहत्यांना निश्चित आवडेल.

संबंधित

फोटो गॅलरी

व्हिडीओ गॅलरी