‘नॅशनल कौन्सिल ऑफ एज्युकेशन रिसर्च अँड ट्रेनिंग’ने (एनसीईआरटी) ने काही दिवसांपूर्वी, मुघल साम्राज्याचा, भारतीय स्वातंत्र्याच्या इतिहासाचा काही भाग अभ्यासक्रमातून वगळला. त्यानंतर विज्ञान विषयाच्या अभ्यासक्रमातून डार्विनच्या उत्क्रांतीवादाचा सिद्धांत देखील अभ्यासक्रमातून वगळल्याने अनेक विज्ञाननिष्ठ, विचारवंतांनी नाराजी व्यक्त केली. डार्विनच्या उत्क्रांतीवादाचा सिद्धांत अभ्यासक्रमातून वगळल्याच्या एनसीआरटीच्या कृतीच्या निषेधार्थ महाराष्ट्र अंधश्रद्धा निर्मुलन समिती ‘चला उत्क्रांती समजून घेवूया’ प्रबोधन अभियान राबविणार आहे. अंनिस मार्फत डॉ. हमीद दाभोलकर मिलिंद देशमुख नंदिनी जाधव आणि श्रीपाल लालवाणी यांनी प्रसिद्धी पत्रकाच्या द्वारे दिली आहे.
ह्या प्रसिद्धी पत्रकात असे नमूद केले आहे कि, मानवी जीवनाच्या वर प्रभाव टाकणाऱ्या अनेक अंधश्रद्धाची निर्मिती हि मानवी जीवनाचा उगम कसा झाला यांची योग्य माहिती नसल्याने होतो. त्यामुळे उत्क्रांतीचा सिद्धांत हा शालेय अभ्यासक्रमातून शिकवल्याने विद्यार्थ्यांची मानवी जीवनाच्या उत्प्पती मागे असलेल्या विज्ञानवादी भूमिकेशी तोंड ओळख होते. प्रत्यक्षात सहावी सातवीच्या विद्यार्थ्याला ह्या विषयी प्रश्न पडू लागतात त्यामुळे तेव्हा पासून टप्प्याटप्प्याने ह्या विषयी माहिती शालेय अभ्यास क्रमातून येणे आवश्यक आहे.
उत्क्रांतीचा सिद्धांत हा शालेय पुस्तकांच्या मधून वगळल्यामुळे मुलांच्या मध्ये विज्ञानवादी मानसिकता निर्माण होण्यात अडथळा निर्माण होणार आहे, असे देखील या प्रसिद्धी पत्रकात नमूद केले आहे. या मध्ये पुढे सांगितले आहे कि, भारतातील आणि परदेशातील अनेक विद्यापीठांच्या मध्ये हा उत्क्रांती सिद्धांत जीव शास्त्रातील मुलभूत सिद्धांत म्हणून शिकवला जातो. उत्क्रांती या विषयी विशेष कोर्स देखील शिकवले जातात अशा पार्श्वभूमीवर उत्क्रांतीचा सिद्धांत हा दहावीच्या अभ्यासक्रमातून वगळल्या मुळे जे विद्यार्थी दहावी नंतर विज्ञान ही शाखा घेणार नाहीत त्यांना उत्क्रांतीच्या सिद्धांताची माहिती मिळणार नाही. देशभरतील अठराशे वैज्ञानिकांनी या गोष्टीला विरोध नोंदवला आहे त्याला महाराष्ट्र अनिस पाठींबा देत आहे असे देखील या पत्रात नमूद केले आहे.
हे सुद्धा वाचा
देवेंद्र फडणवीस म्हणाले, शरद पवारांचा राजीनामा हा त्यांचा वैयक्तिक आणि राष्ट्रवादीचा आंतरिक प्रश्न
न्यायाधीशांनी वॉरंट काढण्याची तंबी देताच छगन भुजबळ झाले कोर्टात हजर
न्यायाधीशांनी वॉरंट काढण्याची तंबी देताच छगन भुजबळ झाले कोर्टात हजर