टीम लय भारी
मुंबई : मराठा समाजाला ओबीसी प्रवर्गातून (OBC) आरक्षण देऊ नये या प्रमुख मागणीसाठी मुंबईतील मराठी पत्रकार संघात मंगळवारी गोलमेज परिषद पार पडली. या परिषदेत मुख्यमंत्री उद्धव ठाकरे यांना पत्र लिहून मराठा समाजाला ओबीसी प्रवर्गातून आरक्षण देण्यासाठी पत्र लिहिणा-या आमदार संजय शिंदे यांचा जाहीर निषेध नोंदवण्यात आला. तसेच मराठा समाजाला ओबीसी प्रवर्गातून आरक्षण दिल्यास संपूर्ण ओबीसी समाज रस्त्यावर उतरुन लढाई आणखी तीव्र करेल, असा इशारा देखील देण्यात आला आहे. (If reservation is given to Maratha community from OBC, Then OBC community will also seen on the streets, a decision was taken in the round table conference.)
या परिषदेसाठी प्राध्यापक जे. डी. तांडेल, बाळासाहेब सानप, बालाजी शिंदे, ज्ञानेश्वर गोरे, सचिन राजूरकर, प्रदीप ढोबळे, चंद्रकांत बावकर, महेश भट, पल्लवी रेणके, लक्ष्मण गायकवाड, डॉ. बबनराव तायवाडे उपस्थित होते. ‘महाराष्ट्राच्या विधानसभेने राज्यातील जनमताचा आदर करुन 2021 ची सार्वत्रिक जनगणना जातनिहाय करावी, असा ठराव मंजूर केला होता. तरीही केंद्र सरकार जातनिहाय जनगणना करणार नसेल तर महाराष्ट्र शासनातर्फे राज्यात तशी जनगणना करण्यात यावी, अशी मागणी या गोलमेज परिषदेत केल्याची माहिती अध्यक्ष प्रकाश शेंडगे यांनी दिली.