महाराष्ट्र भूषण पुरस्कारासाठी आता २५ लाख रुपये; २७ नवांचा सरकारकडे प्रस्ताव नव्या नावांवर देखील विचार

मानाचा समजला जाणारा  सर्वोच्च पुरस्कार  ‘महाराष्ट्र भूषण’ (Maharashtra Bhushan award) पुरस्कार महाराष्ट्र शासनाच्यावतिने देण्यात येतो. या पुरस्काराचे स्वरुप शिंदे-फडणवीस सरकारने (Shinde-Fadnavis government) बदलत हा पुरस्कार आणखी दिमाखदार करण्यासाठी पाऊले उचलली आहेत. ‘महाराष्ट्र भूषण’ पुरस्कारासाठी १० लाख रुपये रक्कम देखील देण्यात येत होती. मात्र आता पुरस्काराची रक्कम वाढविण्यात आली असून ती २५ लाख रुपये करण्याचा निर्णय शिंदे-फडणवीस सरकारने मंगळवारी (दि.३१) रोजी झालेल्या मंत्रिमंडळ बैठकीत घेण्यात आला. (Shinde-Fadnavis government decision Rs 25 lakh for Maharashtra Bhushan award)

मुख्यमंत्री एकनाथ शिंदे यांच्या अध्यक्षतेखाली मंगळवारी मंत्रिमंडळ बैठक पार पडली. यावेळी उपमुख्यमंत्री देवेंद्र फडणवीस, सांस्कृतिक कार्य मंत्री सुधीर मुनगंटीवार, मुख्यमंत्र्यांचे प्रधान सचिव तथा सांस्कृतिक कार्य विभागाचे प्रधान सचिव विकास खारगे तसेच पुरस्कार समितीचे सदस्य ज्येष्ठ शास्त्रज्ज्ञ डॉ. अनिल काकोडकर, ज्येष्ठ विधीज्ज्ञ अँड. उज्ज्वल निकम, प्रा. शशिकला वंजारी, ज्येष्ठ चित्रकार वासुदेव कामत आदी दृकश्राव्य प्रणालीद्वारे उपस्थित होते.

हे सुद्धा वाचा

कर्मवीर भाऊराव पाटलांच्या धोरणाला रयत शिक्षण संस्थेने फासला हरताळ; विद्यार्थी वाऱ्यावर

यावेळी मंत्रिमंडळ बैठकीत या पुरस्कारासाठी सुमारे २७ नावांचा प्रस्ताव सरकारकडे आला होता, त्याबाबत चर्चा झाली. काहींनी आणखी नवी नावेही सुचविली, त्यांचाही नव्याने विचार करण्याच ठरले. तसेच पुरस्कारच्या रक्कमेत भरीव वाढ करण्याच्या सूचनेवरही चर्चा झाली. महाराष्ट्रात अनेक कर्तबगार व्यक्तिमत्व आहेत. अनेकांनी विविध क्षेत्रात महत्वपूर्ण योगदान दिले आहे. अशा अनेक व्यक्तिमत्वांच्या या पुरस्कारासाठी विचार व्हावा. याकरिता सर्वंकष अशी नियमावली करण्याचे निर्देश देण्यात आले.

युतीच्या सरकारने पुरस्कार देण्यास सुरुवात केली

राज्यात युतीचे सरकार असताना १९९७ सालापासून महाराष्ट्र भूषण पुरस्कार देण्यास सुरुवात झाली सुरुवातीला या पुरस्कारासाठी ५ लाख रुपये रक्कम देण्यात येत होती. २०१२ साली त्या रकमेत वाढ करुन ती १० लाख रुपये करण्यात आली होती. आता शिंदे-फडणवीस सरकारने ही रक्कम वाढवत २५ लाख रुपये केली आहे.

• पुरस्कार प्राप्त व्यक्ती              क्षेत्र                           साल

  पु. ल. देशपांडे                  साहित्य                       १९९६

  लता मंगेशकर                   कला, संगीत                  १९९७

  विजय भटकर                   विज्ञान                         १९९९

  सुनील गावसकर                 क्रीडा                         २०००

  सचिन तेंडुलकर                 क्रीडा                          २००१

  भीमसेन जोशी                   कला, संगीत                  २००२

  अभय बंग आणि राणी बंग      समाजसेवा                     २००३

  बाबा आमटे                     समाजसेवा                     २००४

  रघुनाथ माशेलकर              विज्ञान                          २००५

  रतन टाटा                       उद्योग                          २००६

  रा. कृ. पाटील                 समाजसेवा                      २००७

  नानासाहेब धर्माधिकारी        समाजसेवा                      २००८

  मंगेश पाडगांवकर              साहित्य                         २००८

  सुलोचना लाटकर              कला, सिनेमा                   २००९

  जयंत नारळीकर                विज्ञान                          २०१०

  अनिल काकोडकर             विज्ञान                           २०११

  बाबासाहेब पुरंदरे              साहित्य                          २०१५

  आशा भोसले                   कला, संगीत                    २०२१