कोरोनानंतर मेट्रोच्या सर्वाधिक प्रवासी संख्येची नोंद

टीम लय भारी

मुंबई : मुंबईकरांच्या सेवेत आल्यापासूनच नवनवीन उपक्रमांमुळे प्रवाशांच्या पसंतीची ठरलेल्या आणि विविध विक्रम आपल्या नावावर करणाऱ्या मुंबई मेट्रो वनने आणखी एका विक्रमाला गवसणी घातली आहे.घाटकोपर- अंधेरी-वर्सोवा या मार्गावर धावणाऱ्या मेट्रो वनची रोजची प्रवासी संख्या आता दोन लाख झाली आहे. कोरोनापूर्व काळात या मार्गावरून रोज तब्बल चार लाख 50 हजार प्रवाशांचा प्रवास होत होता. त्यामुळे आता संख्या वाढली असली, तरी ही कोरोनापूर्व प्रवासी संख्येच्या 50टक्के कमी आहे (Metro, Recorded the highest number of passengers).

ऑगस्ट 2021 मध्ये पुन्हा एक लाख प्रवासी संख्या झाली. आता युनिव्हर्सल पासधारक प्रवासी वाढत असल्याने लोकलमधील प्रवाशांची संख्या वाढत आहे. ऑफलाईन शाळा-महाविद्यालये सुरू झाल्याने विद्यार्थ्यांचीही संख्या वाढत आहे. त्यामुळे डिसेंबरअखेरपर्यंत प्रवासी संख्या दोन लाख 25 हजारांपर्यंत पोहचण्याची शक्यता आहे

नवी मुंबईकर कमी दरामध्ये करू शकणार मेट्रोने ‘गारेगार’ प्रवास, जाणून घ्या तिकिट दर…

रेल्वेने बदलले ऑनलाइन तिकिट बुकिंगचे नियम,

फेब्रुवारी 2021 मध्ये दिवसभरात सुमारे 90 हजार प्रवाशांनी मेट्रोतून प्रवास केला. त्यानंतर काही दिवसांत ही संख्या एक लाखांवर पोहोचली होती. प्रवाशांची संख्या आणखी वाढेल अशी अपेक्षा असताना दुसरी लाट येऊन धडकली. त्यामुळे कॉरोनाचा प्रसार थांबवण्यासाठी पुन्हा निर्बंध आणि त्यामुळे दुसऱ्या लाटेमुळे पुन्हा प्रवासी संख्या घटली. एप्रिल-मे महिन्यात ही संख्या 50 हजारांवर आली आहे. दरम्यान, सकाळी आणि सायंकाळी गर्दीच्या वेळी दर चार मिनिटाला मेट्रोची एक फेरी होते. इतर वेळी म्हणजेच कमी गर्दी असताना सहा ते १० मिनिटांनी मेट्रोची एक फेरी होत आहे

मेट्रो 3 आणि 6 च्या कारशेडसाठी गोरेगाव पहाडी भागाचा विचार व्हावा – उद्धव ठाकरे

Navi Mumbai: CIDCO decides fare of Metro line 1 phase 1, starts at Rs 10