गेल्या दोन वर्षापासून संपूर्ण जग कोरोनाच्या विळख्यात अडकले होते. त्यामुळे अत्यावश्यक सेवा वगळता अनेक सेवा ठप्प झाल्या होत्या. याशिवाय संपूर्ण सणसमारंभ साजरे करण्यावर देखील निर्बंध लादण्यात आले. मात्र कोरोनाचा प्रादुर्भाव कमी होताच, अनेक उत्सव साजरे केले जात आहेत. दरम्यान, आज १८ मार्च रोजी धुळीवंदनाचा दिवस असून, राज्यभरात होळी सणाचा उत्साह पाहायला मिळत आहे.
अनेक नागरिकांसह राजकीय नेतेसुद्धा धुळीवंदनाचा आनंद लुटत आहेत. दरम्यान नगरविकासमंत्री एकनाथ शिंदे यांनी यंदाची होळी मोठ्या उत्साहात साजरी केली आहे.एकनाथ शिंदे यांच्या पत्नी लता शिंदे, मुलगा खासदार डॉ. श्रीकांत शिंदे , नातू रुद्राश शिंदे आणि जवळची काही मंडळीसुद्धा उपस्थित होती.
#रंगपंचमी उत्सवाच्या निमित्ताने कुटूंबिय, मित्रपरिवार, शिवसैनिक तसेच पत्रकार मित्रांसोबत रंगाची उधळण करित सर्वांना रंगपंचमीच्या शुभेच्छा दिल्या. यासमयी कुटूंबातील सर्वात कनिष्ठ सदस्य रुद्रांश याचा उत्साह देखील गगनात मावेनासा होताना दिसत होता.#Holi2022 #Holi #FestivalOfColours pic.twitter.com/9A4hraO99A
— Eknath Shinde – एकनाथ शिंदे (@mieknathshinde) March 18, 2022
एकनाथ शिंदे यांनी रंगपंचमी उत्सवाच्या निमित्ताने कुटूंबिय, मित्रपरिवार, शिवसैनिक तसेच पत्रकार मित्रांसोबत रंगाची उधळण करित सर्वांना रंगपंचमीच्या शुभेच्छा दिल्या. यासमयी कुटूंबातील सर्वात कनिष्ठ सदस्य रुद्रांश याचा उत्साह द्विगुणीत झाला होता.