टीम लय भारी
सातारा : घराबाहेर पडू नका, जाहीर कार्यक्रम घेऊ नका, एकत्र येऊ नका असे केंद्र व राज्य सरकारने बजावले आहे. पण याची कसलीही तमा माढा मतदारसंघाचे खासदार रणजितसिंह निंबाळकर व माण – खटावचे आमदार जयकुमार गोरे ( BJP MP MLA ) यांना नसल्याचे समोर आले आहे.
या खासदार – आमदार दुकलीने ( BJP MP MLA ) चक्क जंगी सोहळा आयोजित करून लोकांना मदत वाटप केल्याचा संतापजनक प्रकार समोर आला आहे.
भले मोठे बॅनर लावून भाजपच्या या खासदार – आमदार जोडगोळीने ( BJP MP MLA ) जंगी सोहळा साजरा केला. निर्लज्जपणाचा कळस म्हणजे, गोरगरीब, अंपग यांना मदत वाटप करतानाचे फोटो सेशनसुद्धा घडवून आणले आहे. व्हिडीओ चित्रीकरणही करण्यात आल्याचे सूत्रांनी सांगितले.
माण – खटाव मतदारसंघात चार ‘कोरोना’ रूग्ण ( BJP MP MLA ) सापडले आहेत. सातारा जिल्हा रेड झोनमध्ये आहे. माण – खटावमधील लोकांमध्ये भितीचे वातावरण आहे. जिल्ह्यात कलम १४४ लागू करण्यात आले आहे. संचारबंदी लागू आहे. कोणताही जाहीर कार्यक्रम घेण्यास राज्यभरात बंदी आहे. असे असताना निंबाळकर – गोरे ( BJP MP MLA ) दुकलीने सगळे कायदे – नियम धाब्यावर बसविले आहेत.
धक्कादायक म्हणजे, सोशल डिस्टन्शिंगची ऐशीतैशी करीत आमदार गोरे यांनी लोकांसोबत पोहण्याचा आनंद लुटला होता. हा प्रकार ‘लय भारी’ने नुकताच चव्हाट्यावर आणला होता. त्यामुळे गोरे यांच्यावर टीका सुरू आहे. अशातच गोरे यांनी मदत वाटपाचे हिडीस प्रदर्शन केल्याचा नवा प्रकार पुढे आला आहे.
हे सुद्धा वाचा : BJP MLA : भाजपचा आमदार लोकांसोबत पोहण्यात दंग, सोशल डिस्टन्शिंगच्या तिनतेरा
पोलीस, तहसिलदार, प्रांतांच्या नाकावर टिच्चून जाहीर सोहळा
दहिवडी येथील फलटण चौकात मदत वाटपाचा जाहीर सोहळा खासदार – आमदार दुकलीने ( BJP MP MLA ) आयोजित केला होता. या ठिकाणाहून पोलीस ठाणे, तहसिल कार्यालय व प्रांत कार्यालय अगदीच जवळ आहे. असे असतानाही या तिन्ही अधिकाऱ्यांनी कारवाई का केली नाही असा सवाल उपस्थित झाला आहे.
राजकीयदृष्ट्या मातब्बर आहेत म्हणून अधिकारी वर्ग खासदार – आमदार ( BJP MP MLA ) दुकलीच्या गैरप्रकारांकडे दुर्लक्ष करीत आहेत की काय असाही सवाल यामुळे उपस्थित झाला आहे.
विरोधकांकडून आदर्श घ्यायला हवा
माजी आयएएस अधिकारी प्रभाकर देशमुख हे जयकुमार गोरे यांचे राजकीय विरोधक आहेत. देशमुख यांनीही लोकांना मदत वाटप केले. पण त्यांनी हिडीस प्रदर्शन केले नाही. लॉकडाऊनमुळे ते पुण्यात अडकले आहेत. आपल्या अधिकारपदाचा दुरूपयोग करून देशमुख फोटो सेशनसाठी मतदारसंघात गेले नाहीत.
त्यांनी गहू, तांदुळ, साबण, तेल अशा जीवनावश्यक वस्तुंची खरेदी करून तालुक्यात पाठविली. वेगवेगळ्या टीम तयार केल्या. गावागावांत गोरगरीब लोकांच्या घरी कार्यकर्त्यांकरवी मदत पोहोचवली. मदत करताना त्यांनी स्वतःचे बॅनर कुठेही लावले नाहीत. त्याचा गाजावाजा सुद्धा केला नाही.
त्यामुळे निंबाळकर – गोरे ( BJP MP MLA ) दुकलीने विरोधक असलेल्या प्रभाकर देशमुख यांचा आदर्श घ्यावा अशी भावना लोकांमधून व्यक्त केली जात आहे.
याबाबत संपर्क साधण्याचा प्रयत्न केला असता तहसिलदार बी. एस. माने, सहायक पोलीस निरीक्षक राजकुमार भुजबळ यांनी फोन उचलला नाही, तर प्रांताधिकारी आश्विनी जिरंगे यांचा मोबाईल स्विच्ड ऑफ येत होता.
आणखी बातम्या वाचण्यासाठी आमचे ट्विटर अकाऊंट फॉलो करा
Chandrakant Patil : ठाकरे सरकारला घेरण्याच्या नादात चंद्रकांत पाटलांनी मारली थाप, काँग्रेसने केला पर्दापाश https://t.co/zDDQNPJFa1@ChDadaPatil @sachin_inc
— Lay Bhari (@LayBhari3) May 19, 2020
भाजप आमदाराच्या बेफिकीरीचा हा व्हीडीओ सुद्धा पाहा
हे सुद्धा वाचा
Scholarship : धनंजय मुंडेंनी ‘तो’ निर्णय घेतला मागे!
Coronaeffect : हिंदू समजून मुस्लिम मृतदेहावर केले अंत्यसंस्कार!
BJP’sHypocrisy : भाजपचा आणखी एक खोटारडेपणा : जुना व्हिडिओ प्रसारीत करुन ठाकरे सरकारची बदनामी
Coronavirus : मुंबईवरून शिरूरमध्ये आलेल्या एकाच घरातील तिघांना ‘कोरोना’