टीम लय भारी
बीड : राज्याचे जलसंपदा मंत्री व राष्ट्रवादी काँग्रेस पार्टीचे प्रदेशाध्यक्ष जयंत पाटील यांनी बीड येथील पूरग्रस्त भागांची पाहणी केली. यावेळी त्यांच्यासोबत बीड जिल्ह्याचे पालकमंत्री धनंजय मुंडे हे देखील होते. पक्षाच्या कार्यक्रमानिमित्त ते बीड जिल्ह्याच्या दौऱ्यावर आहेत. दरम्यान सर्वांनाच त्या दोघांच्या कामाचा सपाटा पाहायला मिळाला आहे (Jayant Patil and Dhananjay Munde inspected the flood affected areas in Marathwada).
बीड जिल्हाधिकारी कार्यालयात जयंत पाटील आणि धनंजय मुंडेंनी चक्क रात्री १०.३० वाजता जलसंपदा विभागाची बैठक घेतली. बैठकीत जिल्ह्यातील सर्व ११ तालुक्यातील जलप्रकल्प, त्यांची सुरु किंवा प्रस्तावित असलेली दुरुस्ती व इतर कामे या विषयांवर चर्चा करण्यात आली. तसेच लोकप्रतिनिधींच्या मागण्या यांवर सविस्तर आणि सकारात्मक चर्चा झाली. या बैठकी दरम्यान जिल्ह्याचे पालकमंत्री धनंजय मुंडेंनी जयंत पाटलांचे आभार मानले.
शरद पवारांसमोर धनंजय मुंडेंचे ‘आयएएस’स्टाईल प्रेझेंटेशन; उद्धव ठाकरे म्हणाले, तगडा मंत्री !
मागील काही दिवसांपासून मराठवाड्यातील काही भागात अतिवृष्टीमुळे जनजीवन विस्कळीत झाले आहे. अनेक रस्ते पाण्याखाली गेले तर, अनेक गावांमध्ये पावसाचे पाणी शिरले. जयंत पाटील यांनी बीड जिल्ह्यातील अतिवृष्टीग्रस्त भागाचा दौरा केला तर, धनंजय मुंडेंनी पूरग्रस्त भागात प्रत्यक्ष भेट देत मदत कार्य सुरु केले.
Jayant Patil : जयंत पाटील मुंबईवरून इस्लामपुरला परतले, अन् कार्यकर्ते भावनिक झाले
मात्र या राष्ट्रवादी परिवार संवाद यात्रेच्या माध्यमातून जयंत पाटील आणि धनंजय मुंडेंच्या कामाचा सपाटा पाहायला मिळाला. दोन्ही मंत्र्यांचा सकाळी ९ वाजता सुरु झालेला प्रवास पहाटे ३ वाजता संपला.