जयपूर-पुणे फ्लाइट एक तास उशाराने उडाले
टीम लय भारी
जयपूर : पुणेकर प्रवाशांना घेऊन धावपट्टीवर उड्डाणासाठी सज्ज असलेल्या (air asia flight) जयपूर-पुणे फ्लाइटमूधन उड्डाणापूर्वी धूर निघू लागल्याने भीतीने प्रवाशांचा पोटात गोळा आला. परंतु तातडीने या विमानाची तपासणी करण्यात आली. या तपासणीनंतर विमानात कोणताही बिघाड नसल्याचे आढळल्यावर विमानाला पुन्हा पुण्यासाठी रवाना करण्यात आले.
जयपूर एयरपोर्टवर एयर आशियाचे फ्लाइट आय 5-142 मधून धूर निघू लागल्याने एकच गोंधळ उडाला. फ्लाइट जयपूरपूर पुण्यासाठी रवाना होत होते. तेव्हा अचानक पायलटला विमानाच्या मागच्या भागातून धूर निघताना दिसला.
पायलटने ही माहिती ताबडतोब एयर ट्रॅफिक कंट्रोल टॉवर (एटीसी) आणि एयरलाइन्स टेक्निकल स्टाफला दिली. ज्यानंतर एटीसीने विमान ताबडतोब अ‍ॅप्रिनमध्ये आणण्याचे निर्देश दिले. विमान अ‍ॅप्रिनवर आणल्यानंतर विमानाची तांत्रिक तपासणी करण्यात आली. एक तासाच्या तपासणीनंतर विमानात कोणताही बिघाड नसल्याचे आढळल्यानंतर विमान पुन्हा पुणेसाठी रवाना करण्यात आले.