नुकतीच महाराष्ट्रासह देशभरात पॉप्यूलर फ्रंट ऑफ इंडिया अर्थात पीएफआयच्या (PFI) कार्यकर्त्यांवर राष्ट्रीय यंत्रणांमार्फत कारवाई करण्यात आली. देशात दहशतवादी कारवायांना समर्थन देत असल्याच्या आरोपाखाली पीएफआयच्या अनेक कार्यकर्त्यांना पोलिसांकडून अटक देखील करण्यात आली. अशातच पोलिसांच्या या कारवाईविरोधात अनेक ठिकाणी निदर्शनेदेखील करण्यात आली. महाराष्ट्रातील पुण्यात ही कारवाई सुरू असताना काही कार्यकर्त्यांनी ‘पाकिस्तान झिंदाबाद’ अशा प्रकारच्या घोषणा दिल्याचा धक्कादायक प्रकार समोर आला आहे. या घटनेचा व्हिडिओ सध्या सोशल मीडियावर जोरदार व्हायरल होत आहे. शिवाय अनेकांकडून या कृत्याचा निषेध देखील व्यक्त केला जात आहे.
शुक्रवारी महाराष्ट्रातील पुणे शहरातील जिल्हाधिकारी कार्यालयाबाहेर ‘पाकिस्तान झिंदाबाद’च्या घोषणा देण्यात आल्या. एनआयए, ईडी-सीबीआय आणि पोलिसांनी त्यांच्या संस्थेविरुद्ध नुकत्याच टाकलेल्या छाप्यांविरोधात पीएफआय कार्यकर्ते एकत्र आले होते. काही कार्यकर्त्यांना पोलिसांनी ताब्यात घेतले आहे. नंतर त्याला अटक करण्यात आली. देशभरात पीएफआयवर झालेल्या कारवाईनंतर पीएफआय कार्यकर्त्यांनी पुण्यातील जिल्हाधिकारी कार्यालयाबाहेर निदर्शने केली. हे प्रात्यक्षिक 23 सप्टेंबर रोजी म्हणजेच शुक्रवारी दुपारी 3 वाजता करण्यात आले. यावेळीच उर्वरित कार्यकर्त्यांकडून देशविरोधी घोषणा दिल्या असल्याचे उघड झाले आहे.
#WATCH | Maharashtra: ‘Pakistan Zindabad’ slogans were heard outside the District Collector's office yesterday in Pune City where PFI cadres gathered against the recent ED-CBI-Police raids against their outfit. Some cadres were detained by Police; they were arrested this morning. pic.twitter.com/XWEx2utZZm
— ANI (@ANI) September 24, 2022
पीएफआयच्या समर्थनार्थ पाकिस्तान झिंदाबादच्या घोषणा?
देशभरातील छाप्यांविरोधात पीएफआयचे कर्मचारी काल पुण्यातील जिल्हाधिकारी कार्यालयाबाहेर जमले होते, यावेळी पाकिस्तान झिंदाबादच्या घोषणा देण्यात आल्या. पोलिस विभागाने अनेकांवर गुन्हे दाखल केले आहेत. या प्रकरणातीबाबत स्पष्टीकरण देताना पुणे पोलिसांनी सांगितले की, “पीएफआयवर एनआयएच्या छाप्याबाबत काल जिल्हाधिकारी कार्यालयासमोर निदर्शने केल्याबद्दल पुणे शहरातील रियाझ सय्यद नावाच्या व्यक्तीसह 60-70 पीएफआय कार्यकर्त्यांवर गुन्हा दाखल करण्यात आला आहे.”
हे सुद्धा वाचा –
Devendra Fadnavis : देवेंद्र फडणवीसांना खेळायचीय 20-20 मॅच…
India T-20 World Cup Win : भारताच्या टी-20 विश्वचषक विजयाला 15 वर्षे पूर्ण!
व्हिडिओची सत्यता तपासली जाईल –
पुण्याचे पोलीस आयुक्त अमिताभ गुप्ता यांनी सांगितले की, “हा व्हिडिओ पुण्याच्या नावाने व्हायरल होत आहे. या व्हिडिओची सत्यता तपासण्यात येत आहे. हा व्हिडीओ कुठचा आणि कोणी व्हायरल केला? व्हिडिओमधील आवाज एडिट केले आहेत की नाही, याचाही तपास सुरू आहे.”
दरम्यान, महाराष्ट्राव्यतिरिक्त इतर अनेक राज्यांमध्ये पॉप्युलर फ्रंट ऑफ इंडिया (PFI) नावाच्या इस्लामिक दहशतवादी संघटनेवर छापे टाकण्यात आले आहेत.त्यानंतर पीएफआयप्रमाणे देशविरोधी काम करणाऱ्या किंवा अशा कामांना प्रोत्साहन देणआऱ्या संघटना आणि कार्यकर्त्यांमध्ये असंतोष निर्माण झाला आहे. मात्र, सध्या व्हायरल व्हिडिओवरूनदेखील अनेकांनी विविध प्रश्न उपस्थित केले आहेत. खासकरून महाराष्ट्र नवनिर्माण सेनेमार्फत या घटनेचा निषेध व्यक्त करत महाराष्ट्र सरकारकडे पीएफआयवर बंदी घालण्याची मागणी केली आहे. याशिवाय असे देशविरोधी वक्तव्य करणाऱ्यांना मनसे स्टाईल इशारादेखील देण्यात आला आहे.