टीम लय भारी
राज्यासह देशात सुप्रसिध्द दिग्दर्शिक नागराज मंजुळे यांच्या ‘झुंड’ या चित्रपटाची सर्वत्र चर्चा आहे. नागराज यांच्या या चित्रपटाची कथा, त्यातील कलाकार आणि कलाकारांचं अभिनय यांच्या विषयी सोशल मीडियावर बोललं जातंय. दिग्दर्शक नागराज मंजुळेंचा हा पहिलाच हिंदी चित्रपट आहे. अनेक दिग्गजांनी या चित्रपटाचे तोंडभरून कौतुक केले आहे. गृहनिर्माणमंत्री डाॅ. जितेंद्र आव्हाड यांनी नागराज मंजुळे यांच्यासमवेत या चित्रपटाचे स्पेशल स्क्रीनिंग ठेवले आहे.
चित्रपटाच्या प्रदर्शनापूर्वीच या सिनेमातील एका फ्रेममध्ये डॉ. बाबासाहेब आंबेडकर यांचा फोटो दिसत होता. या फोटोमुळे ही नागराज यांचे कौतुक झाले. झुंड’ चित्रपटात अमिताभ बच्चन यांच्यासोबतच ‘सैराट’ फेम आकाश ठोसर आणि रिंकू राजगुरु या कलाकारांनी देखील महत्त्वपूर्ण भूमिका साकारल्या आहेत. ‘झुंड’ हा एक स्पोर्ट्स ड्रामा चित्रपट आहे, ज्यामध्ये अमिताभ बच्चन हे निवृत्त क्रीडा शिक्षक विजय बारसे यांची मुख्य भूमिका साकारताना दिसणार आहेत.