सार्वजनिक वाहतूक व्यवस्था अधिक पर्यावरणस्नेही बनविण्यासाठी बेस्ट’ (बृहन्मुंबई इलेक्ट्रिक सप्लाय) सुरु केलेल्या उपक्रमाअतंर्गत विविध नाविन्यपूर्ण संकल्पना राबवित आहे. प्रवाशांचा प्रवास गारेगार आणि सुखकर होण्यासाठी मार्च २०२४ पर्यंत ४,००० ई-बसेसची सेवा सुरु करण्यात येणार आहे. पण आता रिचार्ज करण्यासाठी ‘बेस्ट’ लवकरच ई-रिचार्ज स्टेशन्स सुरु निर्णय आहे. खासगी ई-वाहधारकांनाही ‘बेस्ट’च्या डेपोमध्ये आपल्या वाहनांचे रिचार्ज करता येणार आहे. मुंबईतील ५५ ठिकाणी ३३० ई-रिचार्ज स्टेशन्स उभारण्यात येणार आहेत. मार्च २०२३ पर्यंत यापैकी १० स्टेशन्सचे काम पूर्ण झालेले असेल. ‘बेस्ट’चे व्यवस्थापकीय संचालक लोकेश चंद्रा यांनी पायाभूत सुविधांची सद्यस्थिती नमुद करताना म्हंटले की, या महिन्याच्या अखेरपर्यंत यापैकी काही ई-रिचार्ज स्टेशन्स सुरु करण्यात येतील. काही ठिकाणांच्या व्यवहार्यतेबाबत चर्चा सुरु आहे. तर अन्य काही ठिकाणी विद्युत आणि मीटर जोडणीसंदर्भातील काम सुरु आहे. (Now e-recharge your vehicles even at Best Depot)
आमच्या बस गाड्यांचे ई- रिचार्ज करण्यासाठी बस सुविधा उभारण्यात येणार आहेत. भविष्यात लोकांनाही त्यांची ई-वाहने आणि मोटोरसायकलचे बस डेपोमध्ये रिचार्ज करण्याची सोय उपलब्ध करून देण्यात येईल. खासगी शाळेच्या बसेसनाही या डेपोमध्ये ई-रिचार्ज करता येणार आहे. ज्यावेळी त्यांना त्यांची वाहने चार्ज करायची असतील त्यांना आधी त्यांच्या वेळेची नोंदणी करावी लागेल. आणि त्याप्रमाणे डेपोमध्ये आपली वाहने ई-रिचार्ज करता येणार आहेत, असे लोकेश चंद्र यांनी सांगितले.
यासाठी खासगी कंपन्यांसोबत करार करण्यात येणार आहे. ई-रिचार्जसाठी प्रत्येक युनिटमागे वाजवी दर आकारण्यात येणार आहेत. प्रत्येक युनिटसाठी किती किंमत आकारण्यात येईल, याबाबत खासगी कंपनी निर्णय घेणार आहे. तर यामधून जो महसूल जमा होणार आहे, त्याची विभागणी होईल, असे लोकेश चंद्रा यांनी सांगितले. ‘बेस्ट’ मुंबईतील जी ५५ ठिकाणे निवडली आहेत त्या ठिकाणी चार्ज करण्यासाठी तसेच एकाच वेळी कित्येक वाहने उभी करता येतील इतकी पुरेशी जागा असल्याचे ‘बेस्ट’ने सांगितले.
वाहने चार्ज कशी करता येतील
वाहनधारकांना आपली ई-वाहने चार्ज करण्यासाठी आधी ठिकाण आणि वेळेची नोंदणी करावी लागेल. त्यानंतर ऑनलाईन पद्धतीने शुल्क भरावे लागणार आहे. त्यानंतरच त्यांना ठिकाण आणि निर्धारित वेळ मिळेल. खासगी वाहधारक डिजिटल पद्धतीचा वापर करून आपली आगाऊ वेळ नोंदवू शकतात.
या ठिकाणी चार्जिंग स्टेशन्स उभारण्यात येतील.
हे सुद्धा वाचा
मुंबईची बेस्ट होणार आता १००% इलेक्ट्रिक: आदित्य ठाकरेंची घोषणा
न्यायपालिकाही भाजपच्या मगरमिठीत ; आपल्या मर्जीतल्या न्यायाधीशांना राज्यपाल पदाचे बक्षीस