शिवसेना आणि धनुष्य बाण चिन्हासाठी २००० कोटी रुपयांचा सौदा झाल्याचा खळबळजनक आरोप शिवसेनेचे नेते खासदार संजय राऊत यांनी केला आहे. हा निर्णय गुणवत्तेच्या निकषावर नाही, तर यासाठी आर्थिक देवाण-घेवाण झाल्याचा आरोप त्यांनी केला आहे. या निर्णयाविरोधात ठाकरे गट सर्वोच्च न्यायालयात दाद मागणार असलयाचे जाहीर करताच शिंदे गटाकडून न्यायालयात कॅव्हेट दाखल करण्यात आली आहे. या आर्थिक व्यवहारात उपमुख्यमंत्री देवेंद्र फडणवीस यांचेदेखील नाव गोवण्यात आल्याने राजकीय आरोप-प्रत्यारोपांना ऊत आला आहे. संजय राऊत आपल्या विधानावर ठाम असून वेळ आल्यावर पुरावे सादर करण्याची आपली तयारी असल्याचे त्यांनी सांगितले. न्याय आणि निर्णय यामध्ये फरक असून प्रचंड पैशांचा वापर करून हा निर्णय विकत घेण्यात आला आहे, असे राऊत म्हणाले. (2000 crore bought justice; Devendra Fadnavis also involved in the transaction)
संजय राऊत यांनी या व्यवहारात देवेंद्र फडणवीसही सामील असल्याचा आरोप केला आहे. ते म्हणाले, “मी याबाबत कालच स्पष्टपणे सांगितले होते. आज पुन्हा मी हेच सांगत आहे की चिन्ह आणि पक्षाचं नाव यासाठी २ हजार कोटींचा सौदा झाला आहे. निकाल लागण्याची प्रक्रिया सुरू होती त्यावेळी स्वत: देवेंद्र फडणवीस सांगत होते, की निकाल आपल्याच बाजूने लागेल. मिंधे गटाचे लोक, एक केंद्रीय मंत्रीदेखील हाच दावा करत होते. या निर्णयासाठी दोन हजार कोटींचा व्यवहार झाल्याची प्राथमिक माहिती त्यावेळीही माझ्याकडे होती. अशा शब्दांत संजय राऊत यांनी भाजपवर निशाणा साधला आहे.
मिंधे गट आमच्या खिजगणतीतही नाही
मुझे यकीन है…
चुनाव चिन्ह और नाम हासिल करने के लिए अब तक 2000 करोड़ के सौदे और लेन-देन हो चुके हैं…
यह प्रारंभिक आंकड़ा है और 100 फीसदी सच है..
जल्द ही कई बातों का खुलासा होगा.. देश के इतिहास में ऐसा कभी नहीं हुआ था.@ECISVEEP @PMOIndia pic.twitter.com/qokcT3LkBC— Sanjay Raut (@rautsanjay61) February 19, 2023
आमचा प्रतिस्पर्धी केवळ भाजप असून मिंधे गट आमच्या खिजगणतीतही नाही, असे सांगत संजय राऊत यांनी एकनाथ शिंदे गटाला झिडकारले आहे. ते म्हणाले, “कोण विरोधक? आम्ही फक्त भाजपचे विरोधक आहोत. देशाला हुकूमशाहीकडे नेणाऱ्या भाजपशी आमची लढाई आहे. मिंधे गट भाजपचा गुलाम आहे. आमच्याशी लढण्याची त्यांची पात्रताच नाही. पैसे मिंध्याचा आणि यंत्रणा भाजपची या पद्धतीने त्यांनी न्याय विकत घेतला आहे. तुम्ही शिवसेनेवर हल्ला कराल, त्यांना संपवण्याचा प्रयत्न कराल. पण शिवसेना संपणार नाही. ती अंगार आहे. ती विझणार नाही”, असा निर्धार संजय राऊत यांनी व्यक्त केला आहे.
हे सुद्धा वाचा
तिथे हजर असतो तर संजय राऊतांना मारले असते ; संदीप देशपांडे संतापले
शिवरायांच्या प्रतिमेची तोडफोड, हार कचरापेटीत फेकला ; JNU मध्ये राडा
‘शिवसेना, पक्षचिन्हा’बाबत ठाकरे गटाची पुढील भूमिका काय? सर्वोच्च न्यायालयात जाणार खटला; वाचा सविस्तर