नारी शक्ति तुझे सलाम: ‘आमदार आई’ अहिरेंपाठोपाठ आता नमिता मुंदडाही तान्हुल्यासह कर्तव्यास सज्ज..!

आज जागतिक महिला दिन असून ठिकठिकाणी विविध कार्यक्रम घेऊन हा दिवस साजरा केला जात आहे. महिला आज कुठल्याही क्षेत्रात मागे राहिल्या नाहीत. क्रीडा असो वा उद्योग, गृहिणी असो वा राजकारणी या सर्वच क्षेत्रात महिलांनी पुढाकार घेतला आहे. महाराष्ट्राच्या राजकारणात महिलांचा समावेश लक्षणीय आहे. त्यात एकाचवेळी दुहेरी भूमिका साकारणाऱ्या या महिला आमदारांचे कौतुक सर्वच स्तरातून होत आहे. (International Womens Day)

महाराष्ट्र विधिमंडळात महिला आमदार बाळाला घेऊन कामकाजात सहभागी होतात..
महाराष्ट्र विधान भवनात एक सकारात्मक चित्र… आई बरोबर आमदार म्हणून ही जबाबदारी निभावताना दिसत आहेत #आई #महिलाआमदार #विधीमंडळ pic.twitter.com/HhOpZKaPwa

— Rashmi Puranik (@Marathi_Rash) March 8, 2023

राष्ट्रवादीच्या आमदार सरोज अहिरे आपल्या बाळाला घेऊन विधिमंडळात आल्या होत्या. त्यावेळी तिथल्या हिरकणी कक्षाची दुरावस्था त्यांनी दाखवून दिली होती. त्यानंतर तिथल्या हिरकणी कक्षामध्ये तात्काळ सुधारणा करण्यात आल्या. अहिरे यांच्या पाठोपाठ आता भाजपा आमदार नमिता मुंदडा याही आपल्या दोन महिन्यांच्या लेकीसह विधानभवनात आल्या आहेत.

विधानभवनात हिरकणी कक्ष उभारला हे सकारात्मक पाऊल आहे. त्याचसोबत महिला दिनानिमित्त सगळ्या लक्षवेधी महिलांसाठी राखीव ठेवण्यात आला त्याचा आनंद आहे. ही परंपरा यापुढेही चालूच राहू दे. प्रत्येक अधिवेशनात महिलांसाठी १-२ दिवस राखीव ठेवण्यात यावा. हिरकणी कक्ष यावा यासाठी सातत्याने मी पाठपुरावा केला. अनेक महिला आमदारांसाठी हा उपयुक्त कक्ष आहे असं आमदार नमिता मुंदडा म्हणाल्या.

नमिता मुंदडा या बीडच्या आमदार आहेत. पूर्वी त्या राष्ट्रवादीमध्ये होत्या. २०१९ च्या निवडणुकीच्या वेळी शरद पवार यांनी त्यांची पक्षाच्या अधिकृत उमेदवार म्हणून घोषणाही केली होती. मात्र त्यानंतर लगेचच मुंदडा यांनी भाजपात प्रवेश केला. त्यांच्या सासूबाई विमल मुंदडा या राष्ट्रवादीमध्ये असून त्या राज्याच्या माजी मंत्री होत्या.

हे सुद्धा वाचा : 

विधानभवनातील गैरसोयींमुळे आमदार आईला रडू कोसळले…

कर्तव्यतत्पर आमदार मातेच्या तक्रारीची खुद्द आरोग्य मंत्र्यांनी घेतली दखल!

महिला दिन विशेष : स्त्रिया ‘बोलत्या’ व्हायला लागल्या तेव्हा…