टीम लय भारी
अमरावती: सध्या राज्यात राजकीय वातावरण चांगलच तापलं आहे. माझ्या पायाच्या भेगा, हातावरचे घट्टे आणि चेहऱ्यावरील खड्डे हेच शेतकऱ्याच्या मुलीचं खरं सौंदर्य आहे. त्यामुळे माणूस गोड असून चालत नाही तर त्याचं कामही गोड असलं पाहिजे, अशा शब्दात अमरावतीच्या पालकमंत्री यशोमती ठाकूर यांनी भाजप खासदार नवनीत राणा यांना सौंदर्याचा टोला लगावला आहे.(Thakur Rana’s beauty debate continues what did you say)
काही दिवसांपूर्वी एका कार्यक्रमात बोलताना खासदार नवनीत राणा यांनी मंत्री यशोमती ठाकूर यांच्या वयाचा उल्लेख करत म्हणाल्या, माझ्यापेक्षा 10 – 15 वर्षांनी मोठ्या आहेत. कितीही काही केलं तरी तुमच्या चेहऱ्यावरचे खड्डे दिसणारच. तेवढं वय आहे तर ते दिसणारच असं त्या म्हणाल्या.
अमरावती जिल्ह्याच्या राजकारणात पालकमंत्री यशोमती ठाकूर आणि खासदार नवनीत राणा यांच्यात सध्या सौंदर्या वरून बाचाबाची झाली आहे. संपूर्ण जिल्ह्यात चर्चा होत असते. अशातच काही दिवसांपूर्वी छत्रपती शिवाजी महाराजांचा पुतळा बसवण्यावरुन मोठा वाद झाला होता. त्यानंतर महापालिका आयुक्त प्रवीण आष्टीकर यांच्यावर शाईफेकीची घटनाही समोर आली. या घटनांमुळे दोघींमधील मतभेद आता टोकाला गेला आहे. तोच वाद आता राजकीय टीका करत सौंदर्यापर्यंत पोहोचला आहे.
हे सुद्धा वाचा
मंत्री यशोमती ठाकूर यांना ‘बघून घेण्याची’ धमकी देणा-या युवकाला ठोकल्या बेड्या
पण 13ची घटना त्यापेक्षाही निंदनीय, फडणवीसांचं विधान बेजबाबदारपणाचं; यशोमती ठाकूरांचा पलटवार
आता ओबीसींवर अन्याय होऊ देणार नाही!: नाना पटोले