टीम लय भारी : अतुल माने, वरिष्ठ पत्रकार
मुंबई : राजकारणात आणि समाजकारण यामध्ये असणाऱ्या व्यक्तिना स्वतःच्या आवडीनिवडी, छंद जोपासणे तसे कठीण असते. त्यातच जलसंपदा मंत्री जयंत पाटील (Jayant Patil) यांच्या सारखा सातत्याने कार्यमग्न असणारा संवेदनशील नेता असला तर ते खूपच अवघड असते. स्वतःला एखाद्या प्रसंगात अथवा प्रसंगात गुंतवून त्याचा मनसोक्त आणि मनस्वी आनंद घेणे खरे तर जयंत पाटील यांना विरळच. पण तो प्रसंग आज आला आणि चक्क जयंत पाटील (Jayant Patil) हे गायकीत गुंग होऊन गेले. इतके गुंग झाले की त्यांना रात कली एक ख्वाब मे आयी.. या गाण्यातून आठवले ते रम्य कॉलेजचे दिवस.
खरे तर राजकारणात करेक्ट कार्यक्रम हे ब्रीदवाक्य घेऊन शिकार करणारे जयंतराव हे संगीतप्रेमी असल्याची गोष्ट सर्वपरिचीत असली तरी ते उत्तम गायक असल्याची कल्पना कोणाला नव्हती. कोल्हापूर येथे पुतण्याच्या लग्नसोहळ्यापूर्वी रंगलेल्या हळदीच्या कार्यक्रमात जयंत पाटील यांनी किशोर कुमार यांचे एक गाणे गाऊन याची झलक दिली.’
‘बुढ्ढा मिल गया’ या चित्रपटातील किशोर कुमार यांनी गायलेले ‘रात कली एक ख्वॉब में आई’ हे गाणे त्यांनी सादर करुन उपस्थितांची मने जिंकली. कोल्हापूर येथील महासैनिक दरबार हॉलमध्ये ‘संगीत संध्या’ कार्यक्रम आयोजित केला होता.
मैफील रंगल्यानंतर आप्तेष्टांनी जयंतरावांना एखादे आवडीचे गाणे सादर करण्यास सांगितले. त्यावेळी अंतरा व कडवे आठवत असलेले किशोर कुमार यांचे गीत त्यांनी सादर करुन उपस्थितांची मने जिंकली.
त्यांचा हा व्हिडिओ सध्या चांगलाच व्हायरल होत असून त्याला अनेकांनी दाद दिली आहे.