टीम लय भारी
मुंबई : अभिनेता सुशांतसिंह राजपूत च्या मृत्यूबाबत दररोज नवनवीन माहिती समोर येत आहे. सुशांत आणि अभिनेत्री रिया चक्रवर्ती यांच्यामध्ये 8 जूनला कडाक्याचे भांडण झाले होते, त्यानंतर रियाने आयटी प्रोफेशनलला बोलावून सुशांतच्या घरातील 8 हार्ड डिस्क नष्ट केल्या. अशी धक्कादायक माहिती सुशांतचा मित्र सिद्धार्थ पिठाणी ने सीबीआयच्या चौकशीत दिली. (Siddharth Pithani allegedly claimed Rhea Chakraborty destroyed Hard Disks in Sushant’s House)
तीन आयटी प्रोफेशनल्सना संपर्क केला गेला होता, एक जण घरी आला होता. रिया किंवा इतर कुणी बोलावलं असेल. ज्यावेळी डाटा नष्ट केला जात होता, तेव्हा तिथे रिया, सुशांत, दीपेश, नीरज उपस्थित होते, असेही सिद्धार्थ पिठाणी याने सांगितल्याची माहिती समोर येत आहे. त्या हार्ड डिस्कमध्ये कंपन्याचे महत्वाचे कागदपत्र होते. सुशांत आणि रियाच्या कुटुंबाच्या परदेश दौऱ्याचे फोटो यामध्ये असल्याचा संशय आहे.
सीबीआय सुशांत आणि दिशा सालियान यांच्या मृत्यूमागील रहस्य उलगडण्यात गुंतली आहे. क्वान कंपनीची टॅलेंट मॅनेजर जया साहा ही सुशांत सिंह राजपूत आणि दिशा सालियान मृत्यू प्रकरण महत्त्वाचा दुवा ठरु शकते. जया साहा आणि दिशा यांनी क्वान कंपनीत एकत्र काम केले आहे.
जया 2009 पासून क्वानसाठी काम करत असून वरिष्ठ पदावर कार्यरत आहे. तर दिशाने 2018 मध्ये क्वानमध्ये सुरुवात केली होती. मात्र अल्प काळातच तिने नोकरी सोडली. त्यानंतर दिशाने 2019 मध्ये कॉर्नर स्टोन स्पोर्ट्स अँड एंटरटेनमेंट प्रायव्हेट लिमिटेड नावाची कंपनी जॉइन केली होती. आता सर्व प्रकरणात धक्कादाक माहिती समोर येत आहे.