टीम लय भारी
मुंबई: आज भाजपचे दिवंगत नेते गोपीनाथ मुंडे यांची पुण्यतिथी आहे. यानिमित्ताने राष्ट्रवादी काँग्रेसचे नेते आणि राज्याचे सामाजिक न्यायमंत्री धनंजय मुंडे (Dhananjay Munde) यांनी सोशल मीडियावर एक भावूक पोस्ट लिहिली आहे. अजूनही आठवतो तो 3 जूनचा काळा दिवस… आजही असं वाटतं अप्पा, तो दिवस उजाडलाच नसता तर… अप्पा तुम्ही नाहीत, पण तुमची चेतना आजही आमच्यात आहे, तुमचा आवाज आजही कानात घुमतो! भावपूर्ण आदरांजली अप्पा… या आशयाची पोस्ट धनंजय मुंडे (Dhananjay Munde) यांनी शेअर केली आहे. Dhananjay Munde emotional post for gopinath munde
अजूनही आठवतो तो 3 जूनचा काळा दिवस… आजही असं वाटतं अप्पा, तो दिवस उजाडलाच नसता तर…😢
अप्पा तुम्ही नाहीत, पण तुमची चेतना आजही आमच्यात आहे, तुमचा आवाज आजही कानात घुमतो!
भावपूर्ण आदरांजली अप्पा… #RememberingGopinathraoMunde#GopinathMunde #लोकनेते pic.twitter.com/8PjhDbZUoS— Dhananjay Munde (@dhananjay_munde) June 3, 2022
गोपीनाथगड येथील स्व. गोपीनाथ मुंडे यांच्या स्मृतिस्थळी धनंजय मुंडे सकाळी अभिवादन करण्यासाठी जाणार आहेत. अहमदनगर येथे गोपीनाथ मुंडे यांच्या पुण्यतिथीनिमित्त आयोजित आदरांजली कार्यक्रमास देखील उपस्थित राहणार आहेत.
राज्याच्या कानाकोपऱ्यातून गोपीनाथ मुंडे यांचे समर्थक गोपीनाथ गडावर अभिवादनासाठी येतात. मागील दोन वर्षांच्या काळात स्मृतिदिनाला समर्थकांना गोपीनाथ गडावर यायला मिळालं नव्हतं. आता दोन वर्षांनंतर गोपीनाथ मुंडे यांना अभिवादन करण्यासाठी मोठ्या प्रमाणात मुंडे समर्थक गोपीनाथ गडावर येणार आहेत.
या कार्यक्रमाला मध्य प्रदेशचे मुख्यमंत्री शिवराजसिंह चौहान हे सुद्धा गोपीनाथ गडावर येणार आहेत. गोपीनाथ गडावरुन पंकजा मुंडे या नेमकीच आपल्या समर्थकांसह शक्तिप्रदर्शन करतात. आज त्या नेमकी काय भूमिका घेणार याकडे साऱ्या लोकांच्या नजरा लागल्या आहेत.
हे सुद्धा वाचा:
साकीनाका बलात्कार प्रकरणी आरोपीला अखेर फाशीची शिक्षा
Day After 2 Killings, Centre’s Meeting On Kashmir, SOS From Pandits