टीम लय भारी
मुंबई : सार्वजनिक बांधकाम मंत्री अशोक चव्हाण यांना ‘कोरोना’ची लागण झाली आहे. त्यांच्यावर मुंबईतील एका रूग्णालयात उपचार सुरू आहेत. रूग्णालयातूनच त्यांनी काँग्रेसच्या ‘स्पीक अप इंडिया’या ( Ashok Chavan participates in Speak up India campaign ) मोहिमेत सहभाग घेतला आहे.
हे सुद्धा वाचा : ‘काँग्रेस’च्या मंत्र्यांना ‘कोरोना’
या मोहिमेंअंतर्गत चव्हाण यांनी एक व्हिडीओ जारी केला आहे ( Ashok Chavan released a video). या व्हिडीओ संदेशात ते म्हणतात की, सोनिया गांधी, राहूल गांधी, प्रियंका गांधी – वढेरा यांनी ‘स्पीक अप इंडिया’ ही मोहीम हाती घेतली आहे. लाखो देशवासियांच्या भावना बुलंद करण्यासाठी मी सुद्धा मुंबईत एका रूग्णालयातून या मोहिमेत सहभागी होत आहे. ‘कोरोना’शी लढत असतानाही मी या मोहिमेत सहभागी होत असल्याचे त्यांनी नमूद केले आहे.
हे सुद्धा वाचा : ‘कोरोना’ग्रस्त मंत्र्यांना मुंबईत हलविण्याची शक्यता, सचिव सुद्धा झाले ‘कॉरन्टाईन’
ते पुढे म्हणाले की, ‘लॉकडाऊन’मुळे सर्वात जास्त फटका सामान्य लोकांना, शेतकऱ्यांना, शेतमजूरांना आणि गरीबातील गरीब लोकांना बसला आहे. छोट्या व मध्यम उद्योगांना फटका बसला आहे. यातून मार्ग काढण्यासाठी काँग्रेस पक्षाने केंद्राला सुचना केल्या आहेत.