टीम लय भारी
मुंबई : महिनाभरापूर्वी भाजपच्या एका आमदारावर ॲट्रॉसिटीचा गंभीर गुन्हा दाखल झाला आहे. हा गुन्हा इतका गंभीर आहे की, आमदार महोदय अटकपूर्व जामिनासाठी मुंबई उच्च न्यायालयात गेले होते. पण न्यायालयानेही त्यांचा जामीन फेटाळला आहे.
आमदार महोदयांना सर्वोच्च न्यायालयात दाद मागण्याची वेळ मुंबई उच्च न्यायालयाने दिली आहे. म्हणून तूर्त आमदारांच्या हातात अद्याप बेड्या पडलेल्या नाहीत. गेल्या 15 – 20 वर्षांत या आमदार महोदयांवर अर्धा डझनपेक्षा जास्त गुन्हे दाखल आहेत. यातील राजकीय गुन्हे फारसे नाहीत. जे गुन्हे दाखल आहेत, त्यातील बहुतांश गुन्हे ‘क्रिमीनल’ व गंभीर घोटाळ्यांच्या संबंधित आहेत.
गुन्ह्यांची माळ गळ्यात घालून फिरणाऱ्या या भाजप आमदाराला आता मंत्रीपद हवंय. जयकुमार गोरे असे या आमदाराचे नाव आहे. गोरे हे पूर्वी काँग्रेसमध्ये होते. त्यावेळी ते पृथ्वीराज चव्हाणांच्या मागेपुढे करायचे. चव्हाण यांचा विश्वास संपादन करून ते त्यांच्या गळ्यातील ताईत बनले होते.
हे सुद्धा वाचा
भाजप आमदार जयकुमार गोरेंवर ‘ॲट्रॉसिटी’चा गुन्हा दाखल
Balasaheb Thorat : महसूल मंत्री बाळासाहेब थोरातांनी आमदार जयकुमार गोरेंची घेतली फिरकी…
भाजप आमदार जयकुमार गोरेला पत्रकार तुषार खरात यांचे झणझणीत प्रत्युत्तर
पण सन 2019 च्या विधानसभा निवडणुकीच्या वेळी गोरे महाशयांनी भाजपमध्ये प्रवेश केला. त्यावेळच्या प्रचारसभेमध्ये देवेंद्र फडणवीस यांनी एक मोठी घोषणा केली होती. भाजपची सत्ता आली तर जयकुमार गोरे यांना मंत्रीपद देण्याचे त्यांनी भर सभेत जाहीर केले होते.
पण त्यानंतर राज्यात ‘महाविकास आघाडी’ची सत्ता आली. त्यामुळे जयकुमार गोरे यांना मंत्रीपद मिळू शकले नाही. मात्र ठाकरे सरकार कोसळल्यामुळे येत्या दोन – चार दिवसांत देवेंद्र फडणवीस यांच्या नेतृत्वाखालील सरकार सत्तेत येणार आहे.
देवेंद्र फडणवीस यांनी शब्द पाळावा, अन् जयकुमार गोरे यांना मंत्रीपद द्यावे, अशी मागणी गोरे समर्थकांकडून करण्यात येत आहे. पण इच्छा असून फडणवीस यांना गोरेंना मंत्रीपद देणे शक्य होणार नाही. जयकुमार गोरे यांच्यावर गंभीर गुन्हे दाखल आहेत. ताज्या ॲट्रॉसिटीच्या गुन्ह्यांत तर त्यांना अटकपूर्व जामीन सुद्धा नाकारलेला आहे. अशा परिस्थितीत गोरे यांना मंत्रीपद देणे अशक्य असल्याचे बोलले जात आहे. तरीही मंत्रीपद मिळावे म्हणून गोरे यांच्याकडून जोरदार लॉबिंग सुरू असल्याचे सूत्रांनी सांगितले.
जूनच्या अखेरीस मुंबईत पावसाची हजेरी
भुस्खलनात 60 हून अधिक जवानांचा मृत्यू
फडणवीस सरकारमध्ये कुणाला मिळणार मंत्रीपदे ?, यादी व्हायरल