कामाचे टेंडर ऑनलाइन का भरलेस? असे म्हणत ऑनलाइन टेंडर भरल्याचा राग मनात धरून टेंडर मागे घे, नाहीतर तुला जीवंत सोडणार नाही, अशी धमकी दिल्याप्रकरणी एका व्यक्तीवर दहिवडी (ता. माण, जि.सातारा) पोलिस ठाण्यात गुन्हा दाखल करण्यात आला आहे.
या प्रकरणी विजय कुदळे यांनी किसन सस्ते यांच्याविरोधात तक्रार दाखल केली आहे. किसन सस्ते हे एका राजकीय पक्षाचे पदाधिकारी असल्याचे देखील समजते. पोलिसांकडून मिळालेल्या माहितीनुसार कामाचे टेंडर ऑनलाइन का भरलेस? असे म्हणत ऑनलाइन टेंडर भरल्याचा राग मनात धरून टेंडर मागे घे, नाहीतर तुला जीवंत सोडणार नाही, असे म्हणत ठेकेदार विजय कुदळे यांना फलटण चौकात दमदाटी व शिवीगाळ व जीवे मारण्याची धमकी दिली.
हे सुद्धा वाचा
मुंबई महापालिकेच्या कँटीनमधून 7 हजार चमच्यांची चोरी
सुदानमध्ये लष्कर आणि निमलष्करी दलाच्या जवानांमध्ये तुंबळ धुमश्चक्री
बाबासाहेबांना लडाखमध्ये आदरांजली
याचसोबत तक्रारदार यांना टेंडर मागे घेण्याबाबत एक महिन्यापासून दमदाटी केली जात असून कोणतीही विचारपूस न करता मारहाण केली आहे. त्यामुळे मारहाण केलेप्रकरणी किसन सस्ते यांच्याविरोधात गुन्हा नोंद करण्यात आला आहे.