टीम लय भारी
मुंबई: बॉलिवूडचा किंग खान शाहरुख सतत काही ना काही कारणामुळे चर्चेत असतो. शाहरुख हा त्याच्या कुटुंबियांसोबत मुंबईतील वांद्रे परिसरात असलेल्या मन्नत बंगल्यात राहतो. त्याची एक झलक पाहण्यासाठी लाखो चाहते त्याच्या बंगल्याबाहेर जमलेले असतात. नुकतंच शाहरुखचा मन्नत बंगला बॉम्बने उडवून देऊ, अशी धमकी महाराष्ट्र पोलीस नियंत्रण कक्षाला देण्यात आली होती. त्यासोबतच मुंबईत विविध ठिकाणी दहशतवादी हल्ले आणि बॉम्बस्फोट घडवून आणू, अशीही धमकी देण्यात आली होती. दरम्यान अखेर ही धमकी देणाऱ्या व्यक्तीला पोलिसांनी अटक केली आहे.(SRK Mannat bungalow threatening to blow, Man arrested)
बॉलिवूडचा बादशाह शाहरुख खानचा मन्नत बंगला बॉम्बने उडवून देऊ, अशी धमकी देणाऱ्या व्यक्तीला अटक करण्यात आली आहे. मुंबई पोलिसांनी या प्रकरणातील आरोपीला मध्य प्रदेशातील जबलपूर येथून अटक केली आहे. जितेश ठाकूर असे या व्यक्तीचे नाव आहे. ६ जानेवारी २०२२ रोजी जितेशने फोन करुन ही धमकी दिली होती.
Vikram Vedha : ‘विक्रम वेधा’तील हृतिकचा फर्स्ट लूक रिलीज
KGF Chapter 2 : ‘KGF Chapter 2’चे पोस्टर प्रेक्षकांच्या भेटीला!
नेमकं प्रकरण काय?
पोलिसांनी दिलेल्या माहितीनुसार, गुरुवारी ६ जानेवारी २०२२ रोजी महाराष्ट्र पोलीस नियंत्रण कक्षात एक अनोळखी व्यक्तीला फोन आला. त्याने शाहरुख खानचा मन्नत बंगला बॉम्बने उडवून देऊ, अशी धमकी दिली. इतकंच नव्हे तर मुंबईत विविध ठिकाणी दहशतवादी हल्ले आणि बॉम्बस्फोट घडवून आणू, अशीही धमकीही दिली होती. यानंतर मुंबई पोलिसांनी तो फोन ट्रेस केला. त्यावेळी हा नंबर मध्य प्रदेशातील जबलपूरचा असल्याचे पोलिसांच्या लक्षात आले.
याप्रकरणी जबलपूरमधील सीएसपी आलोक शर्मा म्हणाले, “आम्हाला महाराष्ट्र पोलिसांकडून कॉल आला की जबलपूरमधून दहशतवादी हल्ल्याचा दावा करण्यात आला आहे. त्या व्यक्तीला अटक करण्यासाठी आम्हाला मदतीची गरज आहे. त्यांनी आमची मदत घेतली. आम्ही त्याला शनिवारी ८ जानेवारीला अटक केली आहे. त्याच्यावर भारतीय दंड संहितेच्या संबंधित कलमांतर्गत गुन्हा दाखल केला आहे.
Irrfan Khan Birth Anniversary : इरफान खानचे ‘हे’ चित्रपट आवर्जून पाहाच!
OTTs melt Bollywood’s age bar for women
जबलपूरचे अतिरिक्त पोलीस अधीक्षक गोपाल खंडेल यांनी पीटीआयला दिलेल्या माहितीनुसार, महाराष्ट्र पोलिसांनी एक मोबाईल नंबर शेअर केला होता. ज्याच्या आधारे जितेश ठाकूरला अटक करण्यात आली आहे. या प्रकरणी अटक करण्यात आलेल्या आरोपीला दारूचे व्यसन असून त्याने यापूर्वीही खोटे कॉल करून पोलिसांच्या एसओएस सेवेच्या डायल १०० या कर्मचाऱ्यांशी भांडण केले होते.
कालच्या फोननंतर अनेक ठिकाणी चौकशी करण्यात आली. त्यानंतर त्या आरोपीच्या मुसक्या आवळण्यात आल्या. दरम्यान आरोपीला अटक करण्यात आली असली तरी त्याच्याकडे काहीही संशयास्पद आढळले नाही. जितेश ठाकूर विरुद्ध धमकावणे आणि सार्वजनिक सेवेला खोटी माहिती देणे या अंतर्गत गुन्हा दाखल करण्यात आला आहे, असेही खांडेल म्हणाले.
दरम्यान शाहरुख खान त्याच्या आगामी चित्रपटांच्या शूटींगमध्ये सध्या व्यस्त आहे. लवकरच तो अभिनेत्री दीपिका पदुकोणसोबत ‘पठाण’मध्ये झळकणार आहे. या चित्रपटात सलमान खानही दिसणार असल्याचे बोललं जात आहे.