मुंबई : शोले चित्रपटातील ‘कालिया’ या व्यक्तीरेखेमुळे चित्रपट रसिकांच्या मनात घर केलेले ज्येष्ठे अभिनेते विजू खोटे यांचे नुकतेच निधन झाले. त्यांच्या निधनामुळे चित्रपटसृष्टीतील मान्यवरांनी श्रद्धांजली व्यक्त केली आहे. माधुरी दिक्षित, अभिषेक बच्चन, ऋषी कपूर, अजय देवगन अशा मान्यवरांनी खोटे यांच्या निधनाबद्दल शोक व्यक्त केला आहे.
‘विजू कुठे आहे ?’ तरूण वयात आपण दोघांनी एकत्र बाईक चालविली. तुमची बहिणी शोभा खोटेही सोबत असायच्या. अमेरिकन चित्रपटांचे तुम्ही चाहते होता, आणि तुमच्याकडे त्याबाबतची माहितीही असायची.
ऋषी कपूर
विजू खोटे यांच्या निधनाबद्दल ऐकून फार वाईट वाटल्याची प्रतिक्रिया माधुरी दिक्षितने व्यक्त केली, तर तुमची आठवण येत राहील, असे सुनील शेट्टी म्हणतो. विजू खोटे यांच्यासारखे अभिनेते एक संस्थाच आहेत. त्यांचे कार्य नेहमी आठवणीत राहील. मी नशीबवान आहे, मला विजू खोटे यांच्यासोबत काही चित्रपटांमध्ये काम करण्याची संधी मिळाली.
कालिया – एक नम्र, साधा, दयाळू, पाठबळ देणारा, काळजी घेणारा, हसमुख वडिलकीचा माणूस आज सोडून गेला. आम्हाला तुमची खूप आठवण येईल, असे श्रेयस तळपदे याने म्हटले आहे.
वयाच्या 77 व्या वर्षी विजू खोटे यांचे निधन झाले. दिर्घ आजाराने ते त्रस्त होते. त्यांच्यावर चंदनवाडी स्मशानभूमीत अंत्यसंस्कार करण्यात आले.
सन 1964 पासून विजू खोटे मराठी व हिंदी चित्रपटसृष्टीत काम करीत आहेत. शोलेमधील कालिया आणि अंदाज अपना अपनामधील रॉबर्ट या त्यांच्या दोन व्यक्तीरेखा तुफान गाजल्या.