लय भारी टीम
मुंबई : ना. जितेंद्र आव्हाड, ना. अशोक चव्हाण यांच्यापाठोपाठ कोरोनावर मात करणारे राज्याचे सामाजिक न्यायमंत्री राष्ट्रवादी काँग्रेसचे नेते धनंजय मुंडे हे तिसरे मंत्री ठरले आहे. गेल्या ११ दिवसांपासून धनंजय मुंडे यांच्यावर उपचार सुरू होते. मुंडे यांनी कोरोनावर यशस्वीपणे मात केली आहे. कोरोनावर मात केल्यामुळे त्यांच्या कार्यकर्त्यांमध्ये आनंद पसरला आहे. सोशल मीडियावर जोरदार स्वागत सुरु झालं आहे.
धनजंय मुंडे यांना १२ जून रोजी श्वास घेताना त्रास जाणवत होता. त्यांच्या काही कर्मचाऱ्यांना करोनाची लागन झाल्याचे निष्पन्न झाले होते. त्यानंतर लगेच त्याच दिवशी मुंडे यांना ब्रीच कॅण्डी रुग्णालयात दाखल करण्यात आले. त्यांचे खासगी सचिव प्रशांत भामरे व जनसंपर्क अधिकारी प्रशांत जोशी यांना बॉम्बे हॉस्पिटलमध्ये दाखल करण्यात आले. अन्य चार कर्मचाऱ्यांना शासकीय रुग्णालयात दाखल करुन उपचार सुरू करण्यात आले. भामरे, जोशी व दोन चालक यांचे चाचणी अहवाल निगेटिव्ह आल्यानंतर त्यांना घरी सोडण्यात आले होते. गेल्या ११ दिवसांपासून धनंजय मुंडे यांच्यावर उपचार सुरू होते. धनंजय मुंडे यांनी करोनावर मात केली असून आज सायंकाळी त्यांनाही सुट्टी देण्यात येईल अशी माहिती समोर आली आहे.