टीम लय भारी
मुंबई : माझ्यासोबत 50 आमदार होते. भाजपकडे 115 आमदार होते. सर्वांना वाटले होते की, देवेंद्र फडणवीस मुख्यमंत्री होतील. एकनाथ शिंदेला काहीच मिळणार नाही. पण भाजपने मला संधी दिली. मी मुख्यमंत्री झालो, असे प्रतिपादन नवनियुक्त मुख्यमंत्री एकनाथ शिंदे यांनी केले.
विधानसभेच्या अध्यक्षपदी राहूल नार्वेकर यांची आज नियुक्ती झाली. नार्वेकर यांच्या अभिनंदन ठरावावर बोलताना मुख्यमंत्र्यांनी आपल्याही नियुक्तीबद्दल भावना व्यक्त केल्या.एकनाथ शिंदे म्हणाले की, देवेंद्र फडणवीस यांनी मनाचा मोठेपणा दाखवला. नरेंद्र मोदी, अमित शाह, जे. पी. नड्डा यांनी माझ्यावर विश्वास दाखविला. देशातल्या नागरिकांच्या डोळ्यात अंजन घालणारा निर्णय भाजपने घेतला, असे ते म्हणाले.
मी एका आमदाराला स्वतः चार्टर विमान करून पाठवून दिले. आम्ही कोणावरही जबरदस्ती केली नाही. भाजपकडे 115 आमदार आहेत. तरीही त्यांनी मला मुख्यमंत्रीपदाची संधी दिली, अशा शब्दांत शिंदे यांनी कृतज्ञता व्यक्त केली.
हे सुद्धा वाचा :
राज्यपालांच्या भूमिकेवर वर्षा गायकवाड यांनी साधला निशाणा
शिवाजीराव आढळराव – पाटील हे शिवसेनेतच, त्यांची हकालपट्टी नाही!