आमदार यामिनी जाधव यांची आयकर विभागामुळे आमदारकी धोक्यात?

टीम लय भारी

मुंबई : आयकर विभागाने शिवसेनेच्या आमदार यामिनी यशवंत जाधव यांची आमदारकी रद्द करण्याची मागणी केली आहे. यामिनी यशवंत जाधव मुंबईच्या भायखळा मतदारसंघाच्या आमदार आहेत. २०१९ मध्ये त्यांनी येथून विधानसभा निवडणूक जिंकली होती (MLA Yamini Yashwant Jadhav MLA post in danger).

आयकर विभागाचे म्हणणे आहे की २०१९ च्या निवडणुकीत यामिनी यांनी निवडणूक प्रतिज्ञापत्रात संपत्तीशी संबंधित चुकीची माहिती दिली होती, त्यामुळे त्यांची आमदारकी रद्द केली पाहिजे. आयकर विभागाने यामिनी यांची प्रतिज्ञापत्राची तपासणी केली असता ही बाब उघडकीस आली. तपासात असेही उघड झाले की कोलकाताच्या शेल कंपन्यांमार्फत काही व्यवहार केले गेले, ज्यातून यामिनी आणि तिचे पती तसेच कुटुंबातील सदस्यांनी पैसे कमावले.

ईडीने माजी आमदार विवेक पाटील यांची २३४ कोटीची संपत्ती केली जप्त

पीडब्लयूडीच्या अधिकाऱ्यांनी मंत्रालयालाही लावली ठिगळे

यामिनी यांनी प्रतिज्ञापत्रात सांगितले होते की त्यांनी प्रधान डीलर्स नावाच्या कंपनीकडून एक कोटी रुपयांचे कर्ज घेतले आहे. जेव्हा तपास केला गेला तेव्हा असे आढळून आले की प्रधान डीलर्स ही एक शेल कंपनी होती जी कोलकातामध्ये बसलेले एंट्री ऑपरेटर उदय महावार चालवत होती. उदय महावार हे असे आहेत ज्यांचे नाव नॅशनल हेराल्ड प्रकरणातही आले आहे. चौकशी दरम्यान 15 कोटी रुपयांच्या गैरव्यवहाराचे प्रकरण समोर आले आहे (During the investigation, a case of misappropriation of Rs 15 crore has come to light).

आयकर विभागाचे म्हणणे आहे की प्रतिज्ञापत्रात यामिनी यांनी सांगितले होते की त्याच्यावर एक कोटी रुपयांचे कर्ज आहे, तर ते त्यांचे स्वतःचे पैसे आहेत. चौकशीदरम्यान, महावार यांनी सांगितले की त्यांनी २०११-१२ मध्ये प्रधान डीलर्स नावाची कंपनी स्थापन केली होती. त्यात पैसे गुंतवले होते आणि नंतर ते जाधव कुटुंबाला विकले.

राजेश टोपेंची उंच उडी, जयंत पाटलांनाही टाकले मागे

Exclusive: IT Department seeks disqualification of Shiv Sena MLA Yamini Jadhav

आयकर विभागाचे म्हणणे आणि मागणी काय?

२०१९ च्या विधानसभा निवडणुकीवेळी यामिनी जाधव यांनी आपल्या संपत्तीबाबत चुकीची माहिती दिल्याचे आयकर विभागाचे म्हणणे आहे. त्यांच्या प्रतिज्ञापत्राची तपासणी केली असता, ही बाब उघड झाल्याचेही आयकर विभागाने सांगितले आहे. त्यामुळे आयकर विभागाने यामिनी जाधव यांचे विधानसभा सदस्यत्व रद्द करण्याची मागणी आयकर विभागाने निवडणूक आयोगाकडे केली आहे.

प्रतिज्ञापत्रात यामिनी जाधवांनी कोणती माहिती दिली होती?

२०१९ च्या निवडणुकीवेळी निवडणूक आयोगाला सादर केलेल्या प्रतिज्ञापत्रात यामिनी जाधव यांनी आपल्याकडे ७.५ कोटी रुपयांची संपत्ती असल्याचे नमूद केले होते. यामध्ये २.७४ कोटींची जंगम मालमत्ता असल्याचे नमूद केले होते. तर पती यशवंत जाधव यांच्या नावावर ४.५९ कोटी रुपयांची संपत्ती असल्याचे नमूद केले होते. यामध्ये १.७२ कोटी रुपयांची जंगम मालमत्ता असल्याचे त्यांनी सांगितले होते (He had movable assets worth Rs 1.72 crore).

कोण आहेत यामिनी जाधव?

यामिनी जाधव भायखळा विधानसभआ मदतारसंघाच्या आमदार आहेत. २०१९ च्या विधानसभा निवडणुकीत त्यांनी एमआयएमच्या वारीस पठाण यांचा पराभव केला होता. प्रतिज्ञापत्रात चुकीची माहिती दिल्याचा ठपका त्यांच्यावर ठेवण्यात आला आहे.